Ye Jo Diwane Se Do-Chaar Nazar Aate Hain

Ye Jo Diwane Se Do-Chaar Nazar Aate Hain
In Mein Kuchh Sahab-E-Asrar Nazar Aate Hain

Teri Mahfil Ka Bharam Rakhte Hain So Jate Hain
Warna Ye Log To Bedar Nazar Aate Hain

Dur Tak Koi Sitara Hai Na Koi Jugnu
Marg-E-Ummid Ke Asar Nazar Aate Hain

Mere Daman Mein Shararon Ke Siwa Kuchh Bhi Nahin
Aap Phulon Ke Kharidar Nazar Aate Hain

Kal Jinhen Chhu Nahin Sakti Thi Farishton Ki Nazar
Aaj Wo Raunaq-E-Bazar Nazar Aate Hain

Hashr Mein Kaun Gawahi Meri Dega ‘Saghar’
Sab Tumhaare Hi Taraf-Dar Nazar Aate Hain

یہ جو دیوانے سے دو چار نظر آتے ہیں
ان میں کچھ صاحب اسرار نظر آتے ہیں

تیری محفل کا بھرم رکھتے ہیں سو جاتے ہیں
ورنہ یہ لوگ تو بیدار نظر آتے ہیں

دور تک کوئی ستارہ ہے نہ کوئی جگنو
مرگ امید کے آثار نظر آتے ہیں

مرے دامن میں شراروں کے سوا کچھ بھی نہیں
آپ پھولوں کے خریدار نظر آتے ہیں

کل جنہیں چھو نہیں سکتی تھی فرشتوں کی نظر
آج وہ رونق بازار نظر آتے ہیں

حشر میں کون گواہی مری دے گا ساغرؔ
سب تمہارے ہی طرفدار نظر آتے ہیں

یہ جو دیوانے سے دو چار نظر آتے ہیں