Mata-e-Bebaha Hai Dard-o-Soz-e-Arzumandi
Bal-e-Jibril – Allama Iqbal Poetry
Mata-e-Bebaha Hai Dard-o-Soz-e-Arzumandi
Maqam-e-Bandagi De Kar Na Lo Shan-e-Khudawandi
متاع بے بہا ہے درد و سوز آرزو مندی
مقام بندگی دے کر نہ لوں شان خداوندی
Tere Aazad Bandon Ki Na Yeh Duniya Na Wo Duniya
Yahan Marne Ki Pabandi Wahan Jine Ki Pabandi
ترے آزاد بندوں کی نہ يہ دنيا ، نہ وہ دنيا
يہاں مرنے کی پابندی ، وہاں جينے کی پابندی
Hijab Iksir Hai Aawara-e-Ku-e-Mohabbat Ko
Meri Aatish Ko Bhadkati Hai Teri Der-Paiwandi
حجاب اکسير ہے آوارہ کوئے محبت کو
ميری آتش کو بھڑکاتی ہے تيری دير پيوندی
Guzar-Auqat Kar Leta Hai Ye Koho Bayaban Mein
Ki Shahin Ke Liye Zillat Hai Kar-e-Ashiyan-Bandi
گزر اوقات کر ليتا ہے يہ کوہ و بياباں ميں
کہ شاہيں کے ليے ذلت ہے کار آشياں بندی
Ye Faizan-e-Nazar Tha Ya Ke Maktab Ki Karamat Thi
Sikhae Kis Ne Ismail Ko Aadab-e-Farzandi
يہ فيضان نظر تھا يا کہ مکتب کی کرامت تھی
سکھائے کس نے اسمعيل کو آداب فرزندی
Ziyarat-Gah-e-Ahle-Azm-o-Himmat Hai Lahad Meri
Ke Khak-e-Rah Ko Main Ne Bataya Raaz-e-Alwandi
زيارت گاہ اہل عزم و ہمت ہے لحد ميری
کہ خاک راہ کو ميں نے بتايا راز الوندی
Meri Mashshatgi Ki Kya Zarurat Husn-e-Mani Ko
Ki Fitrat Khud-ba-Khud Karti Hai Lale Ki Hina-bandi
مری مشاطگی کی کيا ضرورت حسن معنی کو
کہ فطرت خود بخود کرتی ہے لالے کی حنا بندی
