Umar Guzregi Imtihan Mein Kya – Jaun Elia Poetry

Umar Guzregi Imtihan Mein Kya

– Jaun Elia Poetry

Meri Har Baat Be Asar Hi Rahi
Nuqs Hai Kuch Mere Bayan Mein Kya

Apni Mehroomiyan Chupate Hain
Hum Gharibon Ki Aan Ban Mein Kya

Khud Ko Jaana Juda Zammane Se
Aa Gaya Tha Mere Gumaan Mein Kya

Sham Hi Se Dukan e Deed Hai Band
Nahin Nuqsan Tak Dukan Mein Kya

Ae Mere Subah o Sham Dil Ki Shafaq
Tu Nahati Hai Ab Bhi Baan Mein Kya

Bolte Kyun Nahi Mere Haq Mein
Aable Par Gaye Zaban Mein Kya

Khamoshi Keh Rahi Hai Kaan Mein Kya
Araha Hai Mere Gumaan Mein Kya

Dil Ko Aate Hain Jis Ke Dhiyaan Boht
Khud Bhi Aata Hai Apne Dhiyaan Mein Kya

Wo Mile To Ye Puchna Hai Mujhe
Ab Bhi Hun Main Teri Amaan Mein Kya

عمر گزرے گی امتحان میں کیا

عمر گزرے گی امتحان میں کیا
داغ ہی دیں گے مجھ کو دان میں کیا

میری ہر بات بے اثر ہی رہی
نقص ہے کچھ مرے بیان میں کیا

مجھ کو تو کوئی ٹوکتا بھی نہیں
یہی ہوتا ہے خاندان میں کیا

اپنی محرومیاں چھپاتے ہیں
ہم غریبوں کی آن بان میں کیا

خود کو جانا جدا زمانے سے
آ گیا تھا مرے گمان میں کیا

شام ہی سے دکان دید ہے بند
نہیں نقصان تک دکان میں کیا

اے مرے صبح و شام دل کی شفق
تو نہاتی ہے اب بھی بان میں کیا

بولتے کیوں نہیں مرے حق میں
آبلے پڑ گئے زبان میں کیا

خامشی کہہ رہی ہے کان میں کیا
آ رہا ہے مرے گمان میں کیا

دل کہ آتے ہیں جس کو دھیان بہت
خود بھی آتا ہے اپنے دھیان میں کیا

وہ ملے تو یہ پوچھنا ہے مجھے
اب بھی ہوں میں تری امان میں کیا

یوں جو تکتا ہے آسمان کو تو
کوئی رہتا ہے آسمان میں کیا

ہے نسیم بہار گرد آلود
خاک اڑتی ہے اس مکان میں کیا

یہ مجھے چین کیوں نہیں پڑتا
ایک ہی شخص تھا جہان میں کیا