Tarana-e-Hindi – Sare Jahan Se Acha Hindustan Hamara
Allama Iqbal Poetry – Bang-e-Dara
Sare Jahan Se Acha Hindustan Hamara
Hum Bulbulen Hain Is Ki Ye Gulsitan Hamara
Ghurbat Mein Hon Agar Hum Rahta Hai Dil Watan Mein
Samjho Wahin Hamein Bhi Dil Ho Jahan Hamara
Parbat Wo Sab Se Uncha Ham-Saya Aasman Ka
Wo Santari Hamara Wo Pasban Hamara
Godi Mein Khelti Hain Is Ki Hazaron Nadiyan
Gulshan Hai Jin Ke Dam Se Rashk-E-Jinan Hamara
Ai Aab-Rud-E-Ganga Wo Din Hai Yaad Tujh Ko
Utra Tere Kinare Jab Karwan Hamara
Mazhab Nahin Sikhata Aapas Mein Bair Rakhna
Hindi Hain Hum Watan Hai Hindostan Hamara
Yunan O Misr O Ruma Sab MiT Gae Jahan Se
Ab Tak Magar Hai Baqi Nam-O-Nishan Hamara
Kuchh Baat Hai Ki Hasti MiTti Nahin Hamari
Sadiyon Raha Hai Dushman Daur-E-Zaman Hamara
‘Iqbaal’ Koi Mahram Apna Nahin Jahan Mein
Malum Kya Kisi Ko Dard-E-Nihan Hamara
سارے جہاں سے اچھا ہندوستاں ہمارا
ہم بلبلیں ہیں اس کی یہ گلستاں ہمارا
غربت میں ہوں اگر ہم رہتا ہے دل وطن میں
سمجھو وہیں ہمیں بھی دل ہو جہاں ہمارا
پربت وہ سب سے اونچا ہم سایہ آسماں کا
وہ سنتری ہمارا وہ پاسباں ہمارا
گودی میں کھیلتی ہیں اس کی ہزاروں ندیاں
گلشن ہے جن کے دم سے رشک جناں ہمارا
اے آب رود گنگا وہ دن ہے یاد تجھ کو
اترا ترے کنارے جب کارواں ہمارا
مذہب نہیں سکھاتا آپس میں بیر رکھنا
ہندی ہیں ہم وطن ہے ہندوستاں ہمارا
یونان و مصر و روما سب مٹ گئے جہاں سے
اب تک مگر ہے باقی نام و نشاں ہمارا
کچھ بات ہے کہ ہستی مٹتی نہیں ہماری
صدیوں رہا ہے دشمن دور زماں ہمارا
اقبالؔ کوئی محرم اپنا نہیں جہاں میں
معلوم کیا کسی کو درد نہاں ہمارا
Read More:
Lab Pe Aati Hai Dua Ban Ke Tamanna Meri – Allama Iqbal Poetry
Akhtar-e-Subah – Sitara Subah Ka Rota Tha Aur Ye Kehta Tha
