Kitaben Jhankti Hain Band Almari Ke Shishon Se
Poem: Kitaben
Kitaben Jhankti Hain Band Almari Ke Shishon Se
BaDi Hasrat Se Takti Hain
Mahinon Ab Mulaqaten Nahin Hotin
Jo Shamen Un Ki Sohbat Mein KaTa Karti Thin, Ab Aksar
Guzar Jati Hain Computer Ke Pardon Par
BaDi Bechain Rahti Hain Kitaben
Unhen Ab Nind Mein Chalne Ki Aadat Ho Gai Hai
BaDi Hasrat Se Takti Hain
Jo Qadren Wo Sunati Thin
Ki Jin Ke Cell Kabhi Marte Nahin The
Wo Qadren Ab Nazar Aati Nahin Ghar Mein
Jo Rishte Wo Sunati Thin
Wo Sare UdhDe UdhDe Hain
Koi Safha PalaTta Hun To Ek SiskI Nikalti Hai
Kai Lafzon Ke Mani Gir PaDe Hain
Bina Patton Ke Sukhe TunD Lagte Hain Wo Sab Alfaz
Jin Par Ab Koi Mani Nahin Ugte
Bahut Si Istelahen Hain
Jo MiTTi Ke Sakoron Ki Tarah Bikhri PaDi Hain
Gilason Ne Unhen Matruk Kar Dala
Zaban Par Zaiqa Aata Tha Jo Safhe PalaTne Ka
Ab Ungli Click Karne Se Bas Ek
Jhapki Guzarti Hai
Bahut Kuchh Tah-Ba-Tah Khulta Chala Jata Hai Parde Par
Kitabon Se Jo Zati Rabta Tha KaT Gaya Hai
Kabhi Sine Pe Rakh Ke LeT Jate The
Kabhi Godi Mein Lete The
Kabhi GhuTnon Ko Apne Rehl Ki Surat Bana Kar
Nim Sajde Mein PaDha Karte The Chhute The Jabin Se
Wo Sara Ilm To Milta Rahega Aainda Bhi
Magar Wo Jo Kitabon Mein Mila Karte The Sukhe Phul Aur
Mahke Hue Ruqe
Kitaben Mangne Girne UThane Ke Bahane Rishte Bante The
Un Ka Kya Hoga
Wo Shayad Ab Nahin Honge!
کتابیں جھانکتی ہیں بند الماری کے شیشوں سے
بڑی حسرت سے تکتی ہیں
مہینوں اب ملاقاتیں نہیں ہوتیں
جو شامیں ان کی صحبت میں کٹا کرتی تھیں’ اب اکثر
گزر جاتی ہیں کمپیوٹر کے پردوں پر
بڑی بے چین رہتی ہیں کتابیں
انہیں اب نیند میں چلنے کی عادت ہو گئی ہے
بڑی حسرت سے تکتی ہیں
جو قدریں وہ سناتی تھیں
کہ جن کے سیل کبھی مرتے نہیں تھے
وہ قدریں اب نظر آتی نہیں گھر میں
جو رشتے وہ سناتی تھیں
وہ سارے ادھڑے ادھڑے ہیں
کوئی صفحہ پلٹتا ہوں تو اک سسکی نکلتی ہے
کئی لفظوں کے معنی گر پڑے ہیں
بنا پتوں کے سوکھے ٹنڈ لگتے ہیں وہ سب الفاظ
جن پر اب کوئی معنی نہیں اگتے
بہت سی اصطلاحیں ہیں
جو مٹی کے سکوروں کی طرح بکھری پڑی ہیں
گلاسوں نے انہیں متروک کر ڈالا
زباں پر ذائقہ آتا تھا جو صفحے پلٹنے کا
اب انگلی کلک کرنے سے بس اک
جھپکی گزرتی ہے
بہت کچھ تہہ بہ تہہ کھلتا چلا جاتا ہے پردے پر
کتابوں سے جو ذاتی رابطہ تھا کٹ گیا ہے
کبھی سینے پہ رکھ کے لیٹ جاتے تھے
کبھی گودی میں لیتے تھے
کبھی گھٹنوں کو اپنے رحل کی صورت بنا کر
نیم سجدے میں پڑھا کرتے تھے چھوتے تھے جبیں سے
وہ سارا علم تو ملتا رہے گا آئندہ بھی
مگر وہ جو کتابوں میں ملا کرتے تھے سوکھے پھول اور
مہکے ہوئے رقعے
کتابیں مانگنے گرنے اٹھانے کے بہانے رشتے بنتے تھے
ان کا کیا ہوگا
وہ شاید اب نہیں ہوں گے!
Read More:
Baat Niklegi To Phir Dur Talak Jaegi (Lyrics)
Hamesha Der Kar Deta Hun Main – Munir Niazi Poetry
