Koi Haalat Nahin Ye Haalat Hai - Jaun Elia Poetry

Koi Haalat Nahin Ye Haalat Hai
Ye To Aashob-Nak Surat Hai

Anjuman Mein Ye Meri KHamoshi
Burdbari Nahin Hai Wahshat Hai

Tujh Se Ye Gah-Gah Ka Shikwa
Jab Talak Hai Basa Ghanimat Hai

KHwahishen Dil Ka Sath ChhoD Gain
Ye Aziyyat BaDi Aziyyat Hai

Log Masruf Jaante Hain Mujhe
Yan Mera Gham Hi Meri Fursat Hai

Tanz Pairaya-E-Tabassum Mein
Is Takalluf Ki Kya Zarurat Hai

Hum Ne Dekha To Hum Ne Ye Dekha
Jo Nahin Hai Wo KHub-Surat Hai

War Karne Ko Jaan-Nisar Aaen
Ye To Isar Hai ‘Inayat Hai

Garm-Joshi Aur Is Qadar Kya Baat
Kya Tumhein Mujh Se Kuchh Shikayat Hai

Ab Nikal Aao Apne Andar Se
Ghar Mein Saman Ki Zarurat Hai

Aaj Ka Din Bhi ‘Aish Se Guzra
Sar Se Pa Tak Badan Salamat Hai

کوئی حالت نہیں یہ حالت ہے
یہ تو آشوب ناک صورت ہے

انجمن میں یہ میری خاموشی
بردباری نہیں ہے وحشت ہے

تجھ سے یہ گاہ گاہ کا شکوہ
جب تلک ہے بسا غنیمت ہے

خواہشیں دل کا ساتھ چھوڑ گئیں
یہ اذیت بڑی اذیت ہے

لوگ مصروف جانتے ہیں مجھے
یاں مرا غم ہی میری فرصت ہے

طنز پیرایۂ تبسم میں
اس تکلف کی کیا ضرورت ہے

ہم نے دیکھا تو ہم نے یہ دیکھا
جو نہیں ہے وہ خوبصورت ہے

وار کرنے کو جاں نثار آئیں
یہ تو ایثار ہے عنایت ہے

گرم جوشی اور اس قدر کیا بات
کیا تمہیں مجھ سے کچھ شکایت ہے

اب نکل آؤ اپنے اندر سے
گھر میں سامان کی ضرورت ہے

آج کا دن بھی عیش سے گزرا
سر سے پا تک بدن سلامت ہے

Koi Haalat Nahin Ye Haalat Hai – Jaun Elia Poetry