Ek Hunar Hai Jo Kar Gaya Hun Main
Jaun Elia Poetry
Ek Hunar Hai Jo Kar Gaya Hun Main
Sab Ke Dil Se Utar Gaya Hun Main
Kaise Apni Hansi Ko Zabt Karun
Sun Raha Hun Ki Ghar Gaya Hun Main
Kya Bataun Ki Mar Nahin Pata
Jite-Ji Jab Se Mar Gaya Hun Main
Ab Hai Bas Apna Samna Dar-Pesh
Har Kisi Se Guzar Gaya Hun Main
Wahi Naz-O-Ada Wahi Ghamze
Sar-Ba-Sar Aap Par Gaya Hun Main
Ajab Ilzam Hun Zamane Ka
Ki Yahan Sab Ke Sar Gaya Hun Main
Kabhi Khud Tak Pahunch Nahin Paya
Jab Ki Wan Umr Bhar Gaya Hun Main
Tum Se Jaanan Mila Hun Jis Din Se
Be-Tarah Khud Se Dar Gaya Hun Main
Ku-E-Jaanan Mein Sog Barpa Hai
Ki Achanak Sudhar Gaya Hun Main
اک ہنر ہے جو کر گیا ہوں میں
سب کے دل سے اتر گیا ہوں میں
کیسے اپنی ہنسی کو ضبط کروں
سن رہا ہوں کہ گھر گیا ہوں میں
کیا بتاؤں کہ مر نہیں پاتا
جیتے جی جب سے مر گیا ہوں میں
اب ہے بس اپنا سامنا در پیش
ہر کسی سے گزر گیا ہوں میں
وہی ناز و ادا وہی غمزے
سر بہ سر آپ پر گیا ہوں میں
عجب الزام ہوں زمانے کا
کہ یہاں سب کے سر گیا ہوں میں
کبھی خود تک پہنچ نہیں پایا
جب کہ واں عمر بھر گیا ہوں میں
تم سے جاناں ملا ہوں جس دن سے
بے طرح خود سے ڈر گیا ہوں میں
کوئے جاناں میں سوگ برپا ہے
کہ اچانک سدھر گیا ہوں میں
