Kal Chaudhwin Ki Raat Thi Shab Bhar Raha

Kal Chaudhwin Ki Raat Thi Shab Bhar Raha Charcha Tera
Kuchh Ne Kaha Ye Chand Hai Kuchh Ne Kaha Chehra Tera

Hum Bhi Wahin Maujud The Hum Se Bhi Sab Puchha Kiye
Hum Hans Diye Hum Chup Rahe Manzur Tha Parda Tera

Is Shahr Mein Kis Se Milen Hum Se To Chhutin Mahfilen
Har Shakhs Tera Naam Le Har Shakhs Deewana Tera

Kuche Ko Tere Chhod Kar Jogi Hi Ban Jaen Magar
Jangal Tere Parbat Tere Basti Teri Sahra Tera

Hum Aur Rasm-E-Bandagi Aashuftagi Uftadgi
Ehsan Hai Kya Kya Tera Ai Husn-E-Be-Parwa Tera

Do Ashk Jaane Kis Liye Palkon Pe Aa Kar Thik Gae
Altaf Ki Barish Teri Ikram Ka Darya Tera

Ai Be-Daregh O Be-Aman Hum Ne Kabhi Ki Hai Fugan
Hum Ko Teri Wahshat Sahi Hum Ko Sahi Sauda Tera

Hum Par Ye Sakhti Ki Nazar Hum Hain Faqir-E-Rehguzar
Rasta Kabhi Roka Tera Daman Kabhi Thama Tera

Han Han Teri Surat Hasin Lekin Tu Aisa Bhi Nahin
Ek Shakhs Ke Ashaar Se Shohra Hua Kya Kya Tera

Bedard Sunni Ho To Chal Kahta Hai Kya Achchhi Ghazal
Aashiq Tera Ruswa Tera Shair Tera ‘Insha’ Tera

کل چودھویں کی رات تھی شب بھر رہا چرچا ترا
کچھ نے کہا یہ چاند ہے کچھ نے کہا چہرا ترا

ہم بھی وہیں موجود تھے ہم سے بھی سب پوچھا کیے
ہم ہنس دئیے ہم چپ رہے منظور تھا پردہ ترا

اس شہر میں کس سے ملیں ہم سے تو چھوٹیں محفلیں
ہر شخص تیرا نام لے ہر شخص دیوانا ترا

کوچے کو تیرے چھوڑ کر جوگی ہی بن جائیں مگر
جنگل ترے پربت ترے بستی تری صحرا ترا

ہم اور رسم بندگی آشفتگی افتادگی
احسان ہے کیا کیا ترا اے حسن بے پروا ترا

دو اشک جانے کس لیے پلکوں پہ آ کر ٹک گئے
الطاف کی بارش تری اکرام کا دریا ترا

اے بے دریغ و بے اماں ہم نے کبھی کی ہے فغاں
ہم کو تری وحشت سہی ہم کو سہی سودا ترا

ہم پر یہ سختی کی نظر ہم ہیں فقیر رہ گزر
رستہ کبھی روکا ترا دامن کبھی تھاما ترا

ہاں ہاں تری صورت حسیں لیکن تو ایسا بھی نہیں
اک شخص کے اشعار سے شہرہ ہوا کیا کیا ترا

بے درد سننی ہو تو چل کہتا ہے کیا اچھی غزل
عاشق ترا رسوا ترا شاعر ترا انشاؔ ترا

Kal Chaudhwin Ki Raat Thi Shab Bhar Raha | Ibn-e-Insha