Ab Yeh Sochun To Bhanwar Zehan Mein Par Jaate Hain

Ab Yeh Sochun To Bhanwar Zehan Mein Par Jaate Hain
Kaise Chehre Hain Jo Milte Hi Bichhad Jaate Hain

Kyun Tere Dard Ko Dein Tohmat-E-Wirani-E-Dil
Zalzalon Mein To Bhare Sheher Ujad Jaate Hain

Mausam-E-Zard Mein Ek Dil Ko Bachaoon Kaise
Aisi Rut Mein To Ghane Ped Bhi Jhhad Jaate Hain

Ab Koi Kya Mere Qadmon Ke Nishaan Dhoondega
Tez Aandhi Mein To Khaima Bhi Ukhad Jaate Hain

Shughl-E-Arbab-E-Hunar Poochte Kya Ho Ke Yeh Log
Patharon Mein Bhi Kabhi Aaine Jadh Jaate Hain

Soch Ka Aaina Dhundla Ho To Phir Waqt Ke Sath
Chaand Chehron Ke Khad-O-Khaal Bigadh Jaate Hain

Shiddat-E-Gham Mein Bhi Zinda Hoon To Hairat Kaisi
Kuchh Diye Tund Hawaon Se Bhi Ladh Jaate Hain

Woh Bhi Kya Log Hain Mohsin Jo Wafa Ki Khatir
Khud Tarasheeda Usoolon Pe Bhi Udd Jaate Hain

اب یہ سوچوں تو بھنور ذہن میں پڑ جاتے ہیں
کیسے چہرے ہیں جو ملتے ہی بچھڑ جاتے ہیں

کیوں ترے درد کو دیں تہمت ویرانئ دل
زلزلوں میں تو بھرے شہر اجڑ جاتے ہیں

موسم زرد میں اک دل کو بچاؤں کیسے
ایسی رت میں تو گھنے پیڑ بھی جھڑ جاتے ہیں

اب کوئی کیا مرے قدموں کے نشاں ڈھونڈے گا
تیز آندھی میں تو خیمہ بھی اکھڑ جاتے ہیں

شغل ارباب ہنر پوچھتے کیا ہو کہ یہ لوگ
پتھروں میں بھی کبھی آئنے جڑ جاتی ہیں

سوچ کا آئنہ دھندلا ہو تو پھر وقت کے ساتھ
چاند چہروں کے خد و خال بگڑ جاتے ہیں

شدت غم میں بھی زندہ ہوں تو حیرت کیسی
کچھ دیئے تند ہواؤں سے بھی لڑ جاتے ہیں

وہ بھی کیا لوگ ہیں محسنؔ جو وفا کی خاطر
خود تراشیدہ اصولوں پہ بھی اڑ جاتے ہیں

اب یہ سوچوں تو بھنور ذہن میں پڑ جاتے ہیں