Dil Ki Baat Labon Par La Kar Ab Tak Hum

Dil Ki Baat Labon Par La Kar Ab Tak Hum Dukh Sahte Hain
Hum Ne Suna Tha Is Basti Mein Dil Wale Bhi Rehte Hain

Beet Gaya Sawan Ka Mahina Mausam Ne Nazrein Badlin
Lekin Un Piyasi Aankhon Se Ab Tak Aansoo Behte Hain

Ek Humein Aawara Kehna Koi Bara Ilzaam Nahi
Duniya Wale Dil Walon Ko Aur Bohat Kuch Kehte Hain

Jin Ki Khaatir Shehar Bhi Chhoda Jin Ke Liye Badnaam Hue
Aaj Wahi Hum Se Begane Begane Se Rehte Hain

Woh Jo Abhi Us Raah Guzar Se Chaak Garebaan Guzra Tha
Us Aawara Deewane Ko Jalib Jalib Kehte Hain

دل کی بات لبوں پر لا کر اب تک ہم دکھ سہتے ہیں
ہم نے سنا تھا اس بستی میں دل والے بھی رہتے ہیں

بیت گیا ساون کا مہینہ موسم نے نظریں بدلیں
لیکن ان پیاسی آنکھوں سے اب تک آنسو بہتے ہیں

ایک ہمیں آوارہ کہنا کوئی بڑا الزام نہیں
دنیا والے دل والوں کو اور بہت کچھ کہتے ہیں

جن کی خاطر شہر بھی چھوڑا جن کے لیے بدنام ہوئے
آج وہی ہم سے بیگانے بیگانے سے رہتے ہیں

وہ جو ابھی اس راہ گزر سے چاک گریباں گزرا تھا
اس آوارہ دیوانے کو جالبؔ جالبؔ کہتے ہیں

Dil Ki Baat Labon Par La Kar Ab Tak Hum – Habib Jalib Poetry