Dil Gaya Tum Ne Liya Hum Kya Karein

Dil Gaya Tum Ne Liya Hum Kya Karein
Jaane Wali Cheez Ka Gham Kya Karein

Hum Ne Mar Kar Hijr Mein Paayi Shifa
Aise Acchon Ka Wo Maatam Kya Karein

Apne Hi Gham Se Nahi Milti Nijaat
Is Bana Par Fikr-E-Aalam Kya Karein

Ek Saaghar Par Hai Apni Zindagi
Rafta Rafta Us Se Bhi Kam Kya Karein

Kar Chuke Sab Apni Apni Hikmaten
Dam Nikalta Ho To Hamdam Kya Karein

Dil Ne Seekha Shiwaya-E-Begangi
Aise Na-Mahram Ko Mahram Kya Karein

Ma’araka Hai Aaj Husn-O-Ishq Ka
Dekhiye Wo Kya Karein Hum Kya Karein

Aaina Hai Aur Wo Hain Dekhiye
Faisla Dono Yeh Baaham Kya Karein

Aadmi Hona Bohat Dushwaar Hai
Phir Farishte Hirs-E-Aadam Kya Karein

Tund Kho Hai Kab Sune Wo Dil Ki Baat
Aur Bhi Barham Ko Barham Kya Karein

Hyderabad Aur Langar Yaad Hai
Ab Ke Dilli Mein Muharram Kya Karein

Kehte Hain Ahl-E-Sifarish Mujh Se Daagh
Teri Qismat Hai Buri Hum Kya Karein

دل گیا تم نے لیا ہم کیا کریں
جانے والی چیز کا غم کیا کریں

ہم نے مر کر ہجر میں پائی شفا
ایسے اچھوں کا وہ ماتم کیا کریں

اپنے ہی غم سے نہیں ملتی نجات
اس بنا پر فکر عالم کیا کریں

ایک ساغر پر ہے اپنی زندگی
رفتہ رفتہ اس سے بھی کم کیا کریں

کر چکے سب اپنی اپنی حکمتیں
دم نکلتا ہو تو ہمدم کیا کریں

دل نے سیکھا شیوۂ بیگانگی
ایسے نامحرم کو محرم کیا کریں

معرکہ ہے آج حسن و عشق کا
دیکھیے وہ کیا کریں ہم کیا کریں

آئینہ ہے اور وہ ہیں دیکھیے
فیصلہ دونوں یہ باہم کیا کریں

آدمی ہونا بہت دشوار ہے
پھر فرشتے حرص آدم کیا کریں

تند خو ہے کب سنے وہ دل کی بات
اور بھی برہم کو برہم کیا کریں

حیدرآباد اور لنگر یاد ہے
اب کے دلی میں محرم کیا کریں

کہتے ہیں اہل سفارش مجھ سے داغؔ
تیری قسمت ہے بری ہم کیا کریں

Dil Gaya Tum Ne Liya Hum Kya Karein – Noor Jahan