Meda Ishq Vi Toon Meda Yaar Vi Toon (Lyrics in Urdu)

Meda Ishq Vi Toon Meda Yaar Vi Toon

Khuwaja Ghulam Farid

Meda Ishq Vi Toon Meda Yaar Vi Toon
Meda Deen Vi Toon Meda Imaan Vi Toon
Meda Jism Vi Toon Meda Rooh Vi Toon
Meda Qalb Vi Toon, Jind Jaan Vi Toon
Meda Kaaba Qibla Masjid Mimbar Mushaf Te Quran Vi Toon
Mede Farz Fareeze Hajj Zakatain, Soum Salat Azan Vi Toon
Meda Zikr Vi Toon Meda Fikr Vi Toon, Meda Zauq Vi Toon Wajdan Vi Toon
Meda Sanwal Mithra Shaam Salonra Man Mohan Janan Vi Toon
Meda Murshid Hadi Peer Tareeqat Sheikh Haqaiq Daan Vi Toon
Medi Aas Umeed Te Khattiya Wattiya Takiya Manr Te Tranr Vi Toon
Meda Dharam Vi Toon Meda Bharam Vi Toon Medi Sharam Vi Toon Mendi Shaan Vi Toon
Meda Dukh Sukh Rowan Khalan Vi Toon Meda Dard Vi Toon Darman Vi Toon
Meda Khushiyan Da Asbab Vi Toon, Mede Solan Da Samaan Vi Toon
Meda Husn Te Bhaag Suhag Vi Toon Meda Bakht Te Naam O Nishan Vi Toon
Meda Dekhan Bhalan Jachan Jochan, Samjhan Jaan Sanjan Vi Toon
Mede Thadhray Saah Te Moonjh Munjhari Hanjaran De Toofan Vi Toon
Mede Tilak Talway Seendhaan Manghaan Naz Nahoray Taan Vi Toon
Medi Mehndi Kajal Musag Vi Toon, Medi Surkhi Bera Paan Vi Toon
Medi Wahshat Josh Junoon Vi Toon, Meda Giriya Aah O Faghan Vi Toon
Meda She’r Urooz Qawwali Vi Toon, Menda Behr Vi Toon Ozan Vi Toon
Meda Awwal Aakhir Andar Bahar, Zahir Te Panhan Vi Toon
Meda Farda Te Derzavi Vi Toon, Alyaum Vi Toon Alan Vi Toon
Meda Badal Barkha, Khamriyan Gajjan Barish Te Baran Vi Toon
Meda Mulk Malir Te Maro Thallra Rohi Cholistan Vi Toon
Je Yaar Fareed Qabool Kare Sarkar Vi Toon Sultan Vi Toon
Na Taan Kehtra Kamtra Haqar Adna, La Shai La Imkan Vi Toon

Meda Ishq Vi Toon Meda Yaar Vi Toon
(Lyrics in Urdu)

میڈا عشق وی توں میڈا یار وی توں
میڈا دین وی توں میڈا ایمان وی توں
میڈا جسم وی توں میڈا روح وی توں
میڈا قلب وی توں،جند جان وی توں
میڈا کعبہ قبلہ مسجد ممبر مُصحف تے قرآن وی توں
میڈے فرض فریضے حج زکوٰتاں ، صوم صلاۃ اذان وی توں
میڈا ذکر وی توں میڈا فکر وی توں ، میڈا ذوق وی توں وجدان وی توں
میڈا سانول مٹھڑا شام سلونڑا من موہن جانان وی توں
میڈا مرشد ھادی پیر طریقت شیخ حقائق دان وی توں
میڈی آس امید تے کھٹیا وٹیا تکیہ مانڑ تے ترانڑ وی توں
میڈا دھرم وی توں میڈا بھرم وی توں میڈی شرم وی توں مینڈی شان وی توں
میڈا ڈُکھ سُکھ رووَنڑ کھلنڑ وی توں میڈا درد وی توں درمان وی توں
میڈا خوشیاں دا اسباب وی توں ، میڈے سولاں دا سامان وی توں
میڈا حُسن تے بھاگ سُہاگ وی توں میڈا بخت تے نام و نشان وی توں
میڈا ڈیکھنڑ بھالنڑ جاچنڑ جوچنڑ ، سمجھنڑ جانڑ سُنجانڑ وی توں
میڈے تھدڑے ساہ تے مونجھ مُنجھاری ہنجنڑوں دے طوفان وی توں
میڈے تلک تلوے سیندھاں مانگھاں ناز نہورے تان وی توں
میڈی مہندی کجل مُساگ وی توں، میڈی سُرخی بیڑا پان وی توں
میڈی وحشت جوش جنون وی توں ، میڈا گِریہ آہ و فغان وی توں
میڈا شعر عروض قوالی وی توں، مینڈا بحر وی توں اوذان وی توں
میڈا اول آخر اندر باہر ، ظاہر تے پنہاں وی توں
میڈا فردا تے دیرزوی وی توں ، الیوم وی توں الان وی توں
میڈا بادل برکھا ، کھمڑیاں گاجاں بارش تے باران وی توں
میڈا ملک ملیر تے مارو تھلڑا روہی چولستان وی توں
جے یار فرید قبول کرے سرکار وی توں سلطان وی توں
نہ تاں کہترا کمترا حقر ادنےٰ ، لاشئے لا امکان وی توں