Kon Kehta Hai Ke Maut Aayi To Mar Jaoonga
Poet: Ahmad Nadeem Qasmi
Kon Kehta Hai Ke Maut Aayi To Mar Jaoonga
Main To Darya Hoon Samandar Mein Utar Jaoonga
Tera Dar Chhod Ke Main Aur Kidhar Jaoonga
Ghar Mein Ghar Jaoonga Sehra Mein Bikhar Jaoonga
Tere Pehlu Se Jo Uthoon Ga To Mushkil Ye Hai
Sirf Ek Shakhs Ko Paaoonga Jidhar Jaoonga
Ab Tere Sheher Mein Aaunga Musafir Ki Tarah
Saaya-E-Abr Ki Maand Guzar Jaoonga
Tera Paiman-E-Wafa Raah Ki Deewar Bana
Warna Socha Tha Ke Jab Chahoon Ga Mar Jaoonga
Chaara-Saazon Se Alag Hai Mera Miyar Ke Main
Zakhm Khaoonga To Kuch Aur Sanwar Jaoonga
Ab To Khursheed Ko Guzre Hue Sadiyan Guzreen
Ab Use Dhoondhne Mein Ta Ba Sahar Jaoonga
Zindagi Shama Ki Maand Jalata Hoon Nadeem
Bujh To Jaoonga Magar Subah To Kar Jaoonga
کون کہتا ہے کہ موت آئی تو مر جاؤں گا
میں تو دریا ہوں سمندر میں اتر جاؤں گا
تیرا در چھوڑ کے میں اور کدھر جاؤں گا
گھر میں گھر جاؤں گا صحرا میں بکھر جاؤں گا
تیرے پہلو سے جو اٹھوں گا تو مشکل یہ ہے
صرف اک شخص کو پاؤں گا جدھر جاؤں گا
اب ترے شہر میں آؤں گا مسافر کی طرح
سایۂ ابر کی مانند گزر جاؤں گا
تیرا پیمان وفا راہ کی دیوار بنا
ورنہ سوچا تھا کہ جب چاہوں گا مر جاؤں گا
چارہ سازوں سے الگ ہے مرا معیار کہ میں
زخم کھاؤں گا تو کچھ اور سنور جاؤں گا
اب تو خورشید کو گزرے ہوئے صدیاں گزریں
اب اسے ڈھونڈنے میں تا بہ سحر جاؤں گا
زندگی شمع کی مانند جلاتا ہوں ندیمؔ
بجھ تو جاؤں گا مگر صبح تو کر جاؤں گا
Khushi Ne Mujh Ko Thukraya Hai – Begum Akhtar Lyrics
Ae Jazba-e-Dil Gar Main Chahoon Har Cheez Muqabil (Lyrics)
Teri Baatein Hi Sunane Aaye – Ahmad Faraz Poetry
