Ojhal Sahi Nigah Se Dooba Nahin Hoon Main

Ojhal Sahi Nigah Se Dooba Nahin Hoon Main
Ae Raat Hoshiyaar Ke Haara Nahin Hoon Main

Darpesh Subah-O-Shaam Yahi Kashmakash Hai Ab
Us Ka Banu Main Kaise Ke Apna Nahin Hoon Main

Mujh Ko Farishta Hone Ka Daawa Nahin Magar
Jitna Bura Samajhte Ho Utna Nahin Hoon Main

Is Tarah Pher Pher Ke Baatein Na Keejiye
Lehjay Ka Rukh Samajhta Hoon Bachha Nahin Hoon Main

Mumkin Nahin Hai Mujh Se Ye Tarz-E-Munafiqat
Duniya Tere Mizaaj Ka Banda Nahin Hoon Main

Amjad Thi Bheed Aisi Ke Chalte Chale Gaye
Girne Ka Aisa Khauf Tha Thehra Nahin Hoon Main

اوجھل سہی نِگاہ سے ڈوبا نہیں ہوں میں
اے رات ہوشیار کہ ہارا نہیں ہوں میں

دَرپیش صبح و شام یہی کَشمکش ہے اب
اُس کا بَنوں میں کیسے کہ اپنا نہیں ہوں میں

مجھ کو فرشتہ ہونے کا دعویٰ نہیں مگر
جِتنا بُرا سمجھتے ہو اُتنا نہیں ہوں میں

اِس طرح پھیر پھیر کہ باتیں نہ کیجیئے
لہجے کا رُخ سمجھتا ہوں بچہ نہیں ہوں میں

مُمکن نہیں ہے مجھ سے یہ طرزِ مُنافقت
دُنیا تیرے مزاج کا بَندہ نہیں ہوں میں

امجدؔ تھی بھیڑ ایسی کہ چلتے چلے گئے
گِرنے کا ایسا خوف تھا ٹِھہرا نہیں ہوں میں

Ojhal Sahi Nigah Se Dooba Nahin Hoon Main – Amjad Islam Amjad