Aabla – Amjad Islam Amjad
Udaasi Ke Ufuq Par Jab Tumhari Yaad Ke Jugnu Chamak’te Hain
To Meri Rooh Par Rakha Hua Ye Hijr Ka Pathar
Chamakti Barf Ki Soorat Pighalta Hai!
Agarche Yun Pighalne Se Ye Pathar, Sang-Reza To Nahin Banta!
Magar Ik Hausla Sa Dil Ko Hota Hai
Ke Jaise Sar Basar Tareek Shab Mein Bhi
Agar Ik Zard-Roo, Sehma Hua Taara Nikal Aaye
To Qaatil Raat Ka Be-Naam Jaadu Toot Jaata Hai
Musaafir Ke Safar Ka Raasta To Kam Nahin Hota
Magar Taare Ki Chalman Se
Koi Bhoola Hua Manzar Achanak Jagmagaata Hai!
Sulagte Paon Mein Ik Aabla Sa Phoot Jaata Hai
آبلہ – امجد اسلام امجد
اداسی کے افق پر جب تمہاری یاد کے جگنو چمکتے ہیں
تو میری روح پر رکھا ہوا یہ ہجر کا پتھر
چمکتی برف کی صورت پگھلتا ہے
اگرچہ یوں پگھلنے سے یہ پتھر، سنگ ریزہ تو نہیں بنتا!
مگر اک حوصلہ سا دل کو ہوتا ہے
کہ جیسے سر بسر تاریک شب میں بھی
اگر اک زرد رو، سہما ہوا تارا نکل آئے
تو قاتل رات کا بے اسم جادو ٹوٹ جاتا ہے
مسافر کے سفر کا راستہ تو کم نہیں ہوتا
مگر تارے کی چلمن سے
کوئی بھولا ہوا منظر اچانک جگمگاتا ہے
سلگتے پاؤں میں اک آبلہ سا پھوٹ جاتا ہے
