Aah Ko Chahiye Ek Umar Asar Hone Tak
– Mirza Ghalib Poetry
Aah Ko Chahiye Ek Umar Asar Hone Tak
Kaun Jeeta Hai Teri Zulf K Sar Hone Tak
Dam-e-HarMauj Mein Hai Halqa-e-SadKam-e-Nahang
Dekhein Kia Guzre Hai Qatre Pe Gohar Hone Tak
Ashiqi SabrTalab Aur Tamanna Betab
Dil Ka Kia Rang Karun Khoon-e-Jigar Hone Tak
Humne Maana K Taghaful Na Karoge Lekin
Khaak Ho Jayengy Hum Tum Ko Khabar Hone Tak
Parto-e-Khur Se Hai Shabnam Ko Fanna Ki Taleem
Main Bhi Hon Ek Inayat Ki Nazar Hone Tak
Yak Nazar Besh Nahin Fursat-e-Hasti Ghafil
Garmi-e-Bazam Hai Ik Raqs-e-Sharar Hone Tak
Gham-e-Hasti Ka ‘Asad’ Kis Se Ho Juz Marg Elaaj
Shama Her Rang Mein Jalti Hai Sahar Hone Tak
آہ کو چاہیے اک عمر اثر ہونے تک – مرزا غالب
آہ کو چاہیے اک عمر اثر ہونے تک
کون جیتا ہے تری زلف کے سر ہونے تک
دام ہر موج میں ہے حلقۂ صد کام نہنگ
دیکھیں کیا گزرے ہے قطرے پہ گہر ہونے تک
عاشقی صبر طلب اور تمنا بیتاب
دل کا کیا رنگ کروں خون جگر ہونے تک
ہم نے مانا کہ تغافل نہ کرو گے لیکن
خاک ہو جائیں گے ہم تم کو خبر ہونے تک
پرتو خور سے ہے شبنم کو فنا کی تعلیم
میں بھی ہوں ایک عنایت کی نظر ہونے تک
یک نظر بیش نہیں فرصت ہستی غافل
گرمیٔ بزم ہے اک رقص شرر ہونے تک
غم ہستی کا اسدؔ کس سے ہو جز مرگ علاج
شمع ہر رنگ میں جلتی ہے سحر ہونے تک
