Aankhon Ka Rang, Baat Ka Lehja Badal Gaya
Amjab Islam Amjad Poetry
Aankhon Ka Rang, Baat Ka Lehja Badal Gaya
Woh Shakhs Ek Shaam Mein Kitna Badal Gaya
Kuch Din To Mera Aks Raha Aaine Pe Naqsh
Phir Yun Hua Ke Khud Mera Chehra Badal Gaya
Jab Apne Apne Haal Pe Hum Tum Na Reh Sake
To Kya Hua Jo Hum Se Zamana Badal Gaya
Qadmon Tale Jo Reet Bichhi Thi Woh Chal Pari
Us Ne Chhuraya Haath To Sehra Badal Gaya
Koi Bhi Cheez Apni Jagah Par Nahin Rahi
Jate Hi Ek Shakhs Ke, Kya Kya Badal Gaya
Ek Sarkhushi Ki Mouj Ne Kaisa Kiya Kamaal
Woh Be-Niyaaz, Saare Ka Saara Badal Gaya
Uth Kar Chala Gaya Koi Waqfay Ke Darmiyan
Parda Utha To Saara Tamasha Badal Gaya
Hairat Se Saare Lafz Use Dekhte Rahe
Baaton Mein Apni Baat Ko Kaisa Badal Gaya
Kehne Ko Ek Sehn Mein Deewar Hi Bani
Ghar Ki Faza, Makaan Ka Naqsha Badal Gaya
Shayad Wafa Ke Khail Se Ukta Gaya Tha Woh
Manzil Ke Paas Aa Ke Jo Rasta Badal Gaya
Qaim Kisi Bhi Haal Pe Duniya Nahin Rahi
Tabeer Kho Gayi, Kabhi Sapna Badal Gaya
Manzar Ka Rang Asal Mein Saya Tha Rang Ka
Jis Ne Use Jidhar Se Bhi Dekha, Badal Gaya
Andar Ke Mausamon Ki Khabar Us Ko Ho Gayi
Us Nao-Bahaar Naaz Ka Chehra Badal Gaya
Aankhon Mein Jitne Ashk Thay, Jugnoo Se Ban Gaye
Woh Muskuraaya Aur Meri Duniya Badal Gaya
Apni Gali Mein Apna Hi Ghar Dhoondhte Hain Log
Amjad, Yeh Kaun Shehar Ka Naqsha Badal Gaya
آنکھوں کا رنگ ، بات کا لہجہ بدل گیا
وہ شخص ایک شام میں کتنا بدل گیا
کچھ دن تو میرا عکس رہا آئینے پہ نقش
پھر یوں ہوا کہ خود مرا چہرہ بدل گیا
جب اپنے اپنے حال پہ ہم تم نہ رہ سکے
تو کیا ہوا جو ہم سے زمانہ بدل گیا
قدموں تلے جو ریت بچھی تھی وہ چل پڑی
اس نے چھڑایا ہاتھ تو صحرا بدل گیا
کوئی بھی چیز اپنی جگہ پر نہیں رہی!
جاتے ہی ایک شخص کے، کیا کیا بدل گیا
اک سرخوشی کی موج نے کیسا کیا کمال
وہ بے نیاز، سارے کا سارا بدل گیا
اٹھ کر چلا گیا کوئی وقفے کے درمیاں
پردہ اٹھا تو سارا تماشہ بدل گیا
حیرت سے سارے لفظ اسے دیکھتے رہے
باتوں میں اپنی بات کو کیسا بدل گیا
کہنے کو ایک صحن میں دیوار ہی بنی
گھر کی فضا، مکان کا نقشہ بدل گیا
شاید وفا کے کھیل سے اکتا گیا تھا وہ
منزل کے پاس آ کے جو رستہ بدل گیا
قائم کسی بھی حال پہ دنیا نہیں رہی!
تعبیر کھو گئی، کبھی سپنا بدل گیا
منظر کا رنگ اصل میں سایا تھا رنگ کا
جس نے اسے جدھر سے بھی دیکھا، بدل گیا
اندر کے موسموں کی خبر اس کو ہوگئی
اس نوبہار ناز کا چہرہ بدل گیا
آنکھوں میں جتنے اشک تھے، جگنو سے بن گئے
وہ مسکرایا اور مری دنیا بدل گیا
اپنی گلی میں اپنا ہی گھرڈھونڈتے ہیں لوگ
امجد یہ کون شہر کا نقشہ بدل گیا
