Aaya Hoon Sang o Khisht Ke Anbaar Dekh Kar – Adeem Hashmi

Aaya Hoon Sang o Khisht Ke Anbaar Dekh Kar
Adeem Hashmi Poetry

Aaya Hoon Sang o Khisht Ke Anbaar Dekh Kar
Khauf Aa Raha Hai Saaya-e-Deewar Dekh Kar

Aankhein Khuli Rahi Hain Meri Intezaar Mein
Aaye Na Khwab Deeda-e-Bedaar Dekh Kar

Gham Ki Dukaan Khol Ke Baitha Hua Tha Main
Aansoo Nikal Paray Hain Khareedaar Dekh Kar

Kya Ilm Tha Phisalne Lagein Ge Mere Qadam
Main To Chala Tha Raah Ko Hamwaar Dekh Kar

Har Koi Paarsai Ki Umda Misaal Tha
Dil Khush Hua Hai Aik Gunahgaar Dekh Kar

Be-Hissi Bhi Waqt-e-Madad Dekh Li Adeem
Katra Gaya Hai Yaar Ko Bhi Yaar Dekh Kar

آیا ہوں سنگ و خشت کے انبار دیکھ کر​

خوف آ رہا ہے سایۂ دیوار دیکھ کر​

آنکھیں کُھلی رہی ہیں مری انتظار میں​

آئے نہ خواب دیدۂ بیدار دیکھ کر​

غم کی دُکان کھول کے بیٹھا ہوا تھا میں​

آنسو نکل پڑے ہیں خریدار دیکھ کر​

کیا علم تھا پھسلنے لگیں گے میرے قدم​

میں تو چلا تھا راہ کو ہموار دیکھ کر​

ہر کوئی پارسائی کی عمدہ مثال تھا​

دل خوش ہوا ہے ایک گنہگار دیکھ کر​

بے حسی بھی وقتِ مدد دیکھ لی عدیم​

کترا گیا ہے یار کو بھی یار دیکھ کر​