Ab Tak Nah Khul Saka Ke Mere Rubaru Hai Kaun
Amjad Islam Amjad
Ab Tak Nah Khul Saka Ke Mere Rubaru Hai Kaun!
Kis Se Mukalma Hai! Pas-e Guftagu Hai Kaun!
Saaya Agar Hai Woh To Hai Us Ka Badan Kahan?
Markaz Agar Hoon Main To Mere Chaar Su Hai Kaun!
Har Shay Ki Mahiyat Pe Jo Karta Hai To Sawal
Tujh Se Agar Yeh Pooch Le Koi Ke Tu Hai Kaun!
Ashkon Mein Jhalmalata Hua Kis Ka Aks Hai
Taaron Ki Rahguzar Mein Yeh Mah-e-Roo Hai Kaun!
Bahar Kabhi To Jhank Ke Khidki Se Dekhte,
Kis Ko Ko Pukarta Hua Yeh Ku Be Ku Hai Kaun!
Aankhon Mein Raat Aa Gayi Lekin Nahin Khula
Main Kis Ka Mad‘a Hoon? Meri Justuju Hai Kaun!
Kis Ki Nigah-e-Lutf Ne Mausam Badal Diye
Fasal-e-Khizan Ki Rah Mein Yeh Mushkbu Hai Kaun!
Badal Ki Oat Se Kabhi Taaron Ki Aadh Se
Chhup Chhup Ke Dekhta Hua Yeh Hila Ju Hai Kaun!
Tare Hain Aasman Mein Jaise Zameen Pe Log
Har Chand Ek Se Hain Magar Hu Behu Hai Kaun!
Hona To Chahiye Ke Yeh Mera Hi Aks Ho!
Lekin Yeh Aaine Mein Mere Rubaru Hai Kaun!
Is Be-Kinar Phaili Hui Kainaat Mein
Kis Ko Khabar Hai Kaun Hoon Main! Aur Tu Hai Kaun
Sara Fasad Barhti Hui Khwahishon Ka Hai
Dil Se Bara Jahan Mein Amjad Adu Hai Kaun
اب تک نہ کھل سکا کہ مرے روبرو ہے کون!
کس سے مکالمہ ہے ! پسِ گفتگو ہے کون!
سایہ اگر ہے وہ تو ہے اُس کا بدن کہاں؟
مرکز اگر ہوں میں تو مرے چار سو ہے کون!
ہر شے کی ماہیت پہ جو کرتا ہے تو سوال
تجھ سے اگر یہ پوچھ لے کوئی کہ تو ہے کون!
اشکوں میں جھلملاتا ہوا کس کا عکس ہے
تاروں کی رہگزر میں یہ ماہ رو ہے کون!
باہر کبھی تو جھانک کے کھڑکی سے دیکھتے،
کس کو کو پکارتا ہوا یہ کُو بہ کُو ہے کون!
آنکھوں میں رات آ گئی لیکن نہیں کُھلا
میں کس کا مدعا ہوں؟ مری جستجو ہے کون!
کس کی نگاہِ لُطف نے موسم بدل دئیے
فصلِ خزاں کی راہ میں یہ مُشکبو ہے کون!
بادل کی اوٹ سے کبھی تاروں کی آڑ سے
چُھپ چُھپ کے دیکھتا ہوا یہ حیلہ جُو ہے کون!
تارے ہیں آسماں میں جیسے زمیں پہ لوگ
ہر چند ایک سے ہیں مگرہُو بہو ہے کون!
ہونا تو چاہیے کہ یہ میرا ہی عکس ہو!
لیکن یہ آئینے میں مرے روبرو ہے کون!
اس بے کنار پھیلی ہوئی کائنات میں
کس کو خبر ہے کون ہوں میں! اور تُو ہے کون
سارا فساد بڑھتی ہوئی خواہشوں کا ہے
دل سے بڑا جہان میں امجد عدُو ہے کون
Yeh Kya Ke Sab Se Bayan Dil Ki Haalatain Karni – Ahmad Faraz
Tere Jamaal-e-Haqeeqat Ki Taab Hi Na Hui – Jigar Muradabadi
Main Jo Mehka To Meri Shaakh Jala Di Us Ne – Mohsin Naqvi
