Ab To Ghabra Ke Yeh Kehte Hain Ke Mar Jayenge
Poet: Sheikh Ibrahim Zauq
Ab To Ghabra Ke Yeh Kehte Hain Ke Mar Jayenge
Mar Ke Bhi Chain Na Paaya To Kidhar Jayenge
Tum Ne Thahrayi Agar Ghair Ke Ghar Jaane Ki
To Irade Yahaan Kuch Aur Thahr Jayenge
Khaali Ae Chaarah-Garo Honge Bohat Marham Daan
Par Mere Zakhm Nahin Aise Ke Bhar Jayenge
Pahunchenge Rah Guzar Yaar Talak Kyun Kar Hum
Pehle Jab Tak Na Do Alam Se Guzar Jayenge
Shola-E-Aah Ko Bijli Ki Tarah Chamakaoon
Par Mujhe Dar Hai Ke Woh Dekh Ke Dar Jayenge
Hum Nahin Woh Jo Karein Khoon Ka Daawa Tujh Par
Balkeh Puchhega Khuda Bhi To Makar Jayenge
Aag Dozakh Ki Bhi Ho Jayegi Paani Paani
Jab Yeh Aasi Arq-E-Sharm Se Tar Jayenge
Nahin Paayega Nishaan Koi Hamaara Hargiz
Hum Jahaan Se Rosh-E-Teer Nazar Jayenge
Saamne Chashm-E-Guhar Baar Ke Keh Do Darya
Chadh Ke Gar Aaye To Nazron Se Utar Jayenge
Laaye Jo Mast Hain Turbat Pe Gulaabi Aankhein
Aur Agar Kuch Nahin Do Phool To Dhar Jayenge
Rukh Roshan Se Naqaab Apne Ulat Dekho Tum
Mehr-O-Meh Nazron Se Yaaron Ki Utar Jayenge
Hum Bhi Dekhenge Koi Ahl-E-Nazar Hai Ke Nahin
Yahaan Se Jab Hum Rosh-E-Teer Nazar Jayenge
Zauq Jo Madrase Ke Bigde Hue Hain Mulla
Un Ko Mai Khane Mein Le Aao Sanwar Jayenge
اب تو گھبرا کے یہ کہتے ہیں کہ مر جائیں گے
مر کے بھی چین نہ پایا تو کدھر جائیں گے
تم نے ٹھہرائی اگر غیر کے گھر جانے کی
تو ارادے یہاں کچھ اور ٹھہر جائیں گے
خالی اے چارہ گرو ہوں گے بہت مرہم داں
پر مرے زخم نہیں ایسے کہ بھر جائیں گے
پہنچیں گے رہ گزر یار تلک کیوں کر ہم
پہلے جب تک نہ دو عالم سے گزر جائیں گے
شعلۂ آہ کو بجلی کی طرح چمکاؤں
پر مجھے ڈر ہے کہ وہ دیکھ کے ڈر جائیں گے
ہم نہیں وہ جو کریں خون کا دعویٰ تجھ پر
بلکہ پوچھے گا خدا بھی تو مکر جائیں گے
آگ دوزخ کی بھی ہو جائے گی پانی پانی
جب یہ عاصی عرق شرم سے تر جائیں گے
نہیں پائے گا نشاں کوئی ہمارا ہرگز
ہم جہاں سے روش تیر نظر جائیں گے
سامنے چشم گہر بار کے کہہ دو دریا
چڑھ کے گر آئے تو نظروں سے اتر جائیں گے
لائے جو مست ہیں تربت پہ گلابی آنکھیں
اور اگر کچھ نہیں دو پھول تو دھر جائیں گے
رخ روشن سے نقاب اپنے الٹ دیکھو تم
مہر و مہ نظروں سے یاروں کی اتر جائیں گے
ہم بھی دیکھیں گے کوئی اہل نظر ہے کہ نہیں
یاں سے جب ہم روش تیر نظر جائیں گے
ذوقؔ جو مدرسے کے بگڑے ہوئے ہیں ملا
ان کو مے خانے میں لے آؤ سنور جائیں گے
Wo Firaq Aur Wo Visal Kahan – Mirza Ghalib Poetry
Dil Hi To Hai Na Sang-o-Khist Dard Se – Mirza Ghalib Poetry
