Ab Yeh Khwahish Hai Ke Apna Humsafar Koi Na Ho

Ab Yeh Khwahish Hai Ke Apna Humsafar Koi Na Ho
Juz Shab-E-Tanha Shareek-E-Rahguzar Koi Na Ho

Raat Ke Pichhle Pehar Ki Khamoshi Ke Khauf Ko
Us Se Poocho Shehar Bhar Mein Jis Ka Ghar Koi Na Ho

Ya Chiragh-E-Kam-Nafas Ko Subah Tak Jalna Sikha
Ya Phir Aisi Shaam De Jis Ki Sehar Koi Na Ho

Jal Rahe Hain Baam-O-Dar Aur Mutmain Baitha Hoon Main
Ghar Ki Barbadi Se Itna Be-Khabar Koi Na Ho

Justuju-E-Fun Mataa-E-Fun Bachane Ka Khayal
Pathron Ke Shehar Mein Bhi Sheesha-Gar Koi Na Ho

Dard Itna Ho Ke Bol Uthe Sukoot-E-Shehar-E-Jaan
Zakhm Aisa De Ke Jis Ka Chara-Gar Koi Na Ho

Sohbaton Ke Khwab Dekhoon Raat Bhar Mohsin Magar
Subah Dam Aankhen Khulen To Baam Par Koi Na Ho

اب یہ خواہش ہے کہ اپنا ہمسفر کوئی نہ ہو
جز شبِ تنہا، شریک رہگزر کوئی نہ ہو

رات کے پچھلے پہر کی خامشی کے خوف کو
اس سے پوچھو شہر بھر میں جس کا گھر کوئی نہ ہو

یا چراغ کم نفس کو صبح تک جلنا سکھا
یا پھر ایسی شام دے جس کی سحر کوئی نہ ہو

جل رہے ہیں بام و در اور مطمئن بیٹھا ہوں میں
گھر کی بربادی سے اتنا بے خبر کوئی نہ ہو

جستجو فن کی، متاعِ فن بچانے کا خیال
پتھروں کے شہر میں بھی شیشہ گر کوئی نہ ہو

درد اتنا ہو کہ بول اٹھے سکوت شہرِ جاں
زخم ایسا دے کہ جس کا چارہ گر کوئی نہ ہو

صحبتوں کے خواب دیکھوں رات بھر محسن مگر
صبح دم آنکھیں کھلیں تو بام پر کوئی نہ ہو

Ab Yeh Khwahish Hai Ke Apna Humsafar Koi Na Ho – Mohsin Naqvi