Agar Kabhi Meri Yaad Aaye

Muhabbat Ki Aik Nazam – Amjad Islam Amjad

Agar Kabhi Meri Yaad Aaye
To Chaand Raaton Ki Narm Dilgeer Roshni Mein
Kisi Sitare Ko Dekh Lena
Agar Woh Nakhl-E-Falak Se Urr Kar Tumhare Qadmon Mein Aa Gire To
Yeh Jaan Lena, Woh Istaara Tha Mere Dil Ka

Agar Na Aaye
Magar Yeh Mumkin Hi Kis Tarah Hai Ke Tum Kisi Par Nigah Daalo
To Us Ki Deewar-E-Jaan Na Toote
Woh Apni Hasti Na Bhool Jaaye

Agar Kabhi Meri Yaad Aaye
Gurez Karti Hawa Ki Lehron Pe Haath Rakhna
Main Khushbuon Mein Tumhein Milunga
Mujhe Gulaabon Ki Pattiyaan Mein Talaash Karna
Main Os Qatron Ke Aainon Mein Tumhein Milunga

Agar Sitaron Mein, Os Qatron Mein, Khushbuon Mein
Na Paao Mujh Ko
To Apne Qadmon Mein Dekh Lena
Main Gard Hoti Musaafaton Mein Tumhein Milunga

Kaheen Pe Roshan Charagh Dekho To Yeh Soch Lena
Ke Har Patange Ke Saath Main Bhi Bikhar Chuka Hoon
Tum Apne Haathon Se Un Patangon Ki Khaak Darya Mein Daal Dena
Main Khaak Ban Kar Samandaron Mein Safar Karunga

Kisi Na Dekhe Huye Jazeere Pe Ruk Ke Tum Ko
Sadaayein Dunga
Samandaron Ke Safar Pe Niklo To
Us Jazeere Pe Bhi Utarna..!

Agar Kabhi Meri Yaad Aaye – Poetry in Urdu Text

اگر کبھی میری یاد آۓ
تو چاند راتوں کی نرم دلگیر روشنی میں
کسی ستارے کو دیکھ لینا
اگر وہ نخل فلک سے اُڑ کر تمہارے قدموں میں آ گرے تو
یہ جان لینا، وہ استعارہ تھا میرے دل کا
اگر نہ آئے
مگر یہ ممکن ہی کس طرح ہےکہ تم کسی پر نگاہ ڈالو
تو اس کی دیوار جاں نہ ٹوٹے
وہ اپنی ہستی نہ بھول جائے
اگر کبھی میری یاد آئے
گریز کرتی ہوا کی لہروں پہ ھاتھ رکھنا
میں خوشبوؤں میں تمہیں ملوں گا
مجھے گلابوں کی پتیوں میں تلاش کرنا
میں اوس قطروں کے آئینوں میں تمہیں ملوں گا
اگر ستاروں میں، اوس قطروں میں، خوشبوؤں میں
نہ پاؤ مجھ کو
تو اپنے قدموں میں دیکھ لینا
میں گرد ہوتی مسافتوں میں تمہیں ملوں گا
کہیں پہ روشن چراغ دیکھو تو یہ سوچ لینا
کہ ہر پتنگے کے ساتھ میں بھی بکھر چکا ہوں
تم اپنے ہاتھوں سے ان پتنگوں کی خاک دریا میں ڈال دینا
میں خاک بن کر سمندروں میں سفر کروں گا
کسی نہ دیکھے ھوئے جزیرے پہ رک کے تم کو
صدائیں دوں گا
سمندروں کے سفر پہ نکلو تو
اس جزیرے پہ بھی اترنا..!