Agarche Main Ek Chatan Sa Aadmi Raha Hoon
Mohsin Naqvi Poetry
Agarche Main Ek Chatan Sa Aadmi Raha Hoon
Magar Tere Baad Hosla Hai Ke Jee Raha Hoon
Woh Rezah Rezah Mere Badan Mein Utar Raha Hai
Main Qatra Qatra Usi Ki Aankhon Ko Pee Raha Hoon
Teri Hatheli Pe Kis Ne Likha Hai Qatl Mera
Mujhe To Lagta Hai Main Tera Dost Bhi Raha Hoon
Khuli Hain Aankhen Magar Badan Hai Tamaam Pathar
Koi Bataye Main Mar Chuka Hoon Ke Jee Raha Hoon
Kahan Milegi Misaal Meri Sitam Gari Ki
Ke Main Gulabon Ke Zakhm Kanton Se See Raha Hoon
Na Pooch Mujh Se Ke Shehar Walon Ka Haal Kya Tha
Ke Main To Khud Apne Ghar Mein Bhi Do Ghari Raha Hoon
Mila To Beete Dino Ka Sach Uski Aankh Mein Tha
Woh Aashna Jis Se Mudaton Ajnabi Raha Hoon
Bhula De Mujh Ko Ke Bewafai Baja Hai Lekin
Ganwa Na Mujh Ko Ke Main Teri Zindagi Raha Hoon
Woh Ajnabi Ban Ke Ab Mile Bhi To Kya Hai Mohsin
Yeh Naaz Kam Hai Ke Main Bhi Uska Kabhi Raha Hoon
اگرچہ میں اک چٹان سا آدمی رہا ہوں
مگر ترے بعد حوصلہ ہے کہ جی رہا ہوں
وہ ریزہ ریزہ مرے بدن میں اتر رہا ہے
میں قطرہ قطرہ اسی کی آنکھوں کو پی رہا ہوں
تری ہتھیلی پہ کس نے لکھا ہے قتل میرا
مجھے تو لگتا ہے میں ترا دوست بھی رہا ہوں
کھلی ہیں آنکھیں مگر بدن ہے تمام پتھر
کوئی بتائے میں مر چکا ہوں کہ جی رہا ہوں
کہاں ملے گی مثال میری ستم گری کی
کہ میں گلابوں کے زخم کانٹوں سے سی رہا ہوں
نہ پوچھ مجھ سے کہ شہر والوں کا حال کیا تھا
کہ میں تو خود اپنے گھر میں بھی دو گھڑی رہا ہوں
ملا تو بیتے دنوں کا سچ اس کی آنکھ میں تھا
وہ آشنا جس سے مدتوں اجنبی رہا ہوں
بھلا دے مجھ کو کہ بے وفائی بجا ہے لیکن
گنوا نہ مجھ کو کہ میں تری زندگی رہا ہوں
وہ اجنبی بن کے اب ملے بھی تو کیا ہے محسنؔ
یہ ناز کم ہے کہ میں بھی اس کا کبھی رہا ہوں
Azab-E-Deed Mein Aankhen Lahu Lahu Kar Ke – Mohsin Naqvi
Na Hum Rahe Na Wo Khwabon Ki Zindagi Hi Rahi – Jaun Elia Poetry
