Agarche Zor Hawaon Ne Daal Rakha Hai - Ahmad Faraz

Agarche Zor Hawaon Ne Daal Rakha Hai
Ahmad Faraz

Agarche Zor Hawaon Ne Daal Rakha Hai
Magar Charagh Ne Lo Ko Sambhal Rakha Hai

Mohabbaton Mein To Milna Hai Ya Ujar Jana
Mizaj Ishq Mein Kab Itedaal Rakha Hai

Hawa Mein Nasha Hi Nasha Fiza Mein Rang Hi Rang
Yeh Kis Ne Pairahan Apna Uchhaal Rakha Hai

Bhale Dinon Ka Bharosa Hi Kya Rahein Na Rahein
So Main Ne Rishta Gham Ko Bahal Rakha Hai

Hum Aise Saada Dilon Ko Woh Dost Ho Ke Khuda
Sabhi Ne Wada Farda Pe Taal Rakha Hai

Hisaab Lutf Hareefan Kya Hai Jab To Khula
Ke Doston Ne Zyada Khayal Rakha Hai

Bhari Bahar Mein Ek Shaakh Par Khila Hai Gulab
Ke Jaise To Ne Hathaili Pe Gaal Rakha Hai

Faraz Ishq Ki Duniya To Khubsurat Thi
Yeh Kis Ne Fitna Hijr O Wisaal Rakha Hai

اگرچہ زور ہواؤں نے ڈال رکھا ہے
مگر چراغ نے لو کو سنبھال رکھا ہے

محبتوں میں تو ملنا ہے یا اجڑ جانا
مزاج عشق میں کب اعتدال رکھا ہے

ہوا میں نشہ ہی نشہ فضا میں رنگ ہی رنگ
یہ کس نے پیرہن اپنا اچھال رکھا ہے

بھلے دنوں کا بھروسا ہی کیا رہیں نہ رہیں
سو میں نے رشتۂ غم کو بحال رکھا ہے

ہم ایسے سادہ دلوں کو وہ دوست ہو کہ خدا
سبھی نے وعدۂ فردا پہ ٹال رکھا ہے

حساب لطف حریفاں کیا ہے جب تو کھلا
کہ دوستوں نے زیادہ خیال رکھا ہے

بھری بہار میں اک شاخ پر کھلا ہے گلاب
کہ جیسے تو نے ہتھیلی پہ گال رکھا ہے

فرازؔ عشق کی دنیا تو خوبصورت تھی
یہ کس نے فتنۂ ہجر و وصال رکھا ہے

Agarche Zor Hawaon Ne Daal Rakha Hai – Ahmad Faraz