Poet: مشکور ممنون قنوجی
Aisa Nahin Duaon Mein Manga Nahin Tujhe
Qismat Mein Hi Nahin Tha Jo Paya Nahin Tujhe
Dil To Aqeedaton Ki Haddon Se Guzar Gaya
Woh To Khuda Ka Khauf Tha Pooja Nahin Tujhe
Sab Muntazir The Meri Nigahen Kidhar Uthin
Maine Bhi Ihtiyaat Mein Dekha Nahin Tujhe
Shayad Palat Ke Dekh Le Tu Hi Meri Taraf
Maine Usi Umeed Pe Roka Nahin Tujhe
Tere Khayal Saath The Mere Qadam Qadam
Main To Kisi Qadam Pe Bhi Bhoola Nahin Tujhe
Andesha-e-Judai Ke Dar Mein Jiya Hoon Main
Ye Mat Samajh Ke Toot Ke Chaha Nahin Tujhe
Woh Pal Haraam Ho Gaya Mashkoor Ke Liye
Jis Pal Tasavvurat Mein Paya Nahin Tujhe
ایسا نہیں دعاؤں میں مانگا نہیں تجھے
قسمت میں ہی نہیں تھا جو پایا نہیں تجھے
دل تو عقیدتوں کی حدوں سے گزر گیا
وہ تو خدا کا خوف تھا پوجا نہیں تجھے
سب منتظر تھے میری نگاہیں کدھر اٹھیں
میں نے بھی احتیاط میں دیکھا نہیں تجھے
شاید پلٹ کے دیکھ لے تو ہی میری طرف
میں نے اسی امید پہ روکا نہیں تجھے
تیرے خیال ساتھ تھے میرے قدم قدم
میں تو کسی قدم پہ بھی بھولا نہیں تجھے
اندیشۂ جدائی کے ڈر میں جیا ہوں میں
یہ مت سمجھ کے ٹوٹ کے چاہا نہیں تجھے
وہ پل حرام ہو گیا مشکورؔ کے لئے
جس پل تصورات میں پایا نہیں تجھے
Us Ko Bhi Hum Se Mohabbat Ho Zaroori To Nahin
Yeh Kaghazi Phool Jaise Chehre (Full Lyrics)
