Ajab Apna Haal Hota Jo Visal-e-Yaar Hota
Kabhi Jaan Sadqe Hoti Kabhi Dil Nisaar Hota
Koi Fitna Ta Qayamat Na Phir Aashkaar Hota
Tere Dil Pe Kaash Zaalim Mujhe Ikhtiyaar Hota
Jo Tumhari Tarah Tum Se Koi Jhoote Waade Karta
Tumhein Munsifi Se Keh Do Tumhein Aitbaar Hota
Gham-e-Ishq Mein Maza Tha Jo Use Samajh Ke Khaate
Yeh Woh Zehar Hai Ke Aakhir Mai-e-Khushgawaar Hota
Yeh Maza Tha Dil-Lagi Ka Ke Barabar Aag Lagti
Na Tujhe Qaraar Hota Na Mujhe Qaraar Hota
Na Maza Hai Dushmani Mein Na Hai Lutf Dosti Mein
Koi Ghair Ghair Hota Koi Yaar Yaar Hota
Tere Waade Par Sitamgar Abhi Aur Sabr Karte
Agar Apni Zindagi Ka Humein Aitbaar Hota
Yeh Woh Dard-e-Dil Nahin Hai Ke Ho Chaarasaaz Koi
Agar Ek Baar Mitta To Hazaar Baar Hota
Gaye Hosh Tere Zaahid Jo Woh Chashm-e-Mast Dekhi
Mujhe Kya Ulat Na Dete Jo Na Baadah-Khaar Hota
Mujhe Maante Sab Aisa Ke Adu Bhi Sajde Karte
Dar-e-Yaar Kaaba Banta Jo Mera Mazaar Hota
Tumhein Naaz Ho Na Kyunkar Ke Liya Hai Daagh Ka Dil
Yeh Raqam Na Haath Lagti Na Yeh Iftikhaar Hota
عجب اپنا حال ہوتا جو وصال یار ہوتا
کبھی جان صدقے ہوتی کبھی دل نثار ہوتا
کوئی فتنہ تا قیامت نہ پھر آشکار ہوتا
ترے دل پہ کاش ظالم مجھے اختیار ہوتا
جو تمہاری طرح تم سے کوئی جھوٹے وعدے کرتا
تمہیں منصفی سے کہہ دو تمہیں اعتبار ہوتا
غم عشق میں مزا تھا جو اسے سمجھ کے کھاتے
یہ وہ زہر ہے کہ آخر مے خوش گوار ہوتا
یہ مزہ تھا دل لگی کا کہ برابر آگ لگتی
نہ تجھے قرار ہوتا نہ مجھے قرار ہوتا
نہ مزا ہے دشمنی میں نہ ہے لطف دوستی میں
کوئی غیر غیر ہوتا کوئی یار یار ہوتا
ترے وعدے پر ستم گر ابھی اور صبر کرتے
اگر اپنی زندگی کا ہمیں اعتبار ہوتا
یہ وہ درد دل نہیں ہے کہ ہو چارہ ساز کوئی
اگر ایک بار مٹتا تو ہزار بار ہوتا
گئے ہوش تیرے زاہد جو وہ چشم مست دیکھی
مجھے کیا الٹ نہ دیتے جو نہ بادہ خوار ہوتا
مجھے مانتے سب ایسا کہ عدو بھی سجدے کرتے
در یار کعبہ بنتا جو مرا مزار ہوتا
تمہیں ناز ہو نہ کیونکر کہ لیا ہے داغؔ کا دل
یہ رقم نہ ہاتھ لگتی نہ یہ افتخار ہوتا
Shaam-E-Gham Jab Bikhar Gayi Ho Gi – Urdu Poetry
Raat Aankhon Mein Dhali Palkon Pe Jugnoo Aaye
Hogaye Din Jinhein Bhulaye Hue – Urdu Ghazal
