Apne Chehre Se Woh Parda Jo Utha Dete Hain
Sahir Ludhainvi Poetry
Apne Chehre Se Woh Parda Jo Utha Dete Hain
Rang Gulzaar Ke Phoolon Ka Uda Dete Hain
Mahkade Unki Nigaahon Mein Base Rehte Hain
Woh Jise Dekh Lein Mastana Bana Dete Hain
Bewafai Se Wafaaon Ka Sila Dete Hain
Kaise Be-Dard Hain, Kya Lete Hain Kya Dete Hain
Aise Baithe Hain Ke Jaise Humein Dekha Hi Nahin
Yahi Andaaz To Deewana Bana Dete Hain
Laal-o-Gohar Se Haseenon Ko Saja Dete Hain
Qadr-Daan Yun Hain Mohabbat Ka Sila Dete Hain
Ishq Kya Hai Yeh Shahenshah Se Poochhe Koi
Husn Ko Takht-e-Hukoomat Pe Bitha Dete Hain
Aap Daulat Ke Taraazu Mein Dilon Ko Tolen
Hum Mohabbat Se Mohabbat Ka Sila Dete Hain
Jur’m-e-Ulfat Pe Humein Log Sazaa Dete Hain
Kaise Naadaan Hain, Shaolon Ko Hawa Dete Hain
Hum Se Deewane Kahin Tark-e-Wafaa Karte Hain
Jaan Jaaye Ke Rahe, Baat Nabha Dete Hain
Aap Daulat Ke Taraazu Mein Dilon Ko Tolen
Hum Mohabbat Se Mohabbat Ka Sila Dete Hain
Takht Kya Cheez Hai Aur Laal-o-Jawaher Kya Hain
Ishq Waale To Khudai Bhi Luta Dete Hain
Hum Ne Dil De Bhi Diya, Ahd-e-Wafaa Le Bhi Liya
Aap Ab Shauq Se De Lein Jo Sazaa Dete Hain
Apne Chehre Se Woh Parda Jo Utha Dete Hain – Poetry in Urdu
اپنے چہرے سے وہ پردہ جو اٹھا دیتے ہیں
رنگ گلزار کے پھولوں کا اڑا دیتے ہیں
مہ کدے انکی نگاھوں میں بسے رہتے ہیں
وہ جسے دیکھ لیں مستانہ بنا دیتے ہیں
بے وفائی سے وفاؤں کا صلہ دیتے ہیں
کیسے بے درد ہیں کیا لیتے ہیں کیا دیتے ہیں
ایسے بیٹھے ہیں کہ جیسے ہمیں دیکھا ہی نہیں
یہی انداز تو دیوانہ بنا دیتے ہیں
لال و گوہر سے حسینوں کو سجا دیتے ہیں
قدر دان یوں ہیں محبت کا صلہ دیتے ہیں
عشق کیا ہے یہ شہنشاہ سے پوچھے کوئی
حسن کو تخت حکومت پہ بٹھا دیتے ہیں
آپ دولت کے ترازو میں دلوں کو تولیں
ہم محبت سے محبت کا صلہ دیتے ہیں
جرم الفت پہ ہمیں لوگ سزا دیتے ہیں
کیسے نادان ہیں شعلوں کو ہوا دیتے ہیں
ہم سے دیوانے کہیں ترک وفا کرتے ہیں
جان جائے کہ رہے بات نبھا دیتے ہیں
آپ دولت کے ترازو میں دلوں کو تولیں
ہم محبت سے محبت کا صلہ دیتے ہیں
تخت کیا چیز ہے اور لعل و جواہر کیا ہیں
عشق والے تو خدائی بھی لٹا دیتے ہیں
ہم نے دل دے بھی دیا ، عہد وفا لے بھی لیا
آپ اب شوق سے دے لیں جو سزا دیتے ہیں
