Azaab Ye Bhi Kisi Aur Par Nahin Aaya

Azaab Ye Bhi Kisi Aur Par Nahin Aaya
Ke Aik Umar Chalay Aur Ghar Nahin Aaya

Is Aik Khwab Ki Hasrat Mein Jal Bujhien Aankhein
Woh Aik Khwab Ke Ab Tak Nazar Nahin Aaya

Karein To Kis Se Karein Na-Rasaiyon Ka Gila
Safar Tamaam Hua Hum-Safar Nahin Aaya

Dilon Ki Baat Badan Ki Zabaan Se Keh Detay
Yeh Chahtay Thay Magar Dil Idhar Nahin Aaya

Ajeeb Hi Tha Meray Daur-E-Gumrahi Ka Rafeeq
Bicharr Gaya To Kabhi Laut Kar Nahin Aaya

Hareem Lafz O Ma’ani Se Nisbatain Bhi Rahi
Magar Saleeqa-E-Arz Hunar Nahin Aaya

عذاب یہ بھی کسی اور پر نہیں آیا
کہ ایک عمر چلے اور گھر نہیں آیا

اس ایک خواب کی حسرت میں جل بجھیں آنکھیں
وہ ایک خواب کہ اب تک نظر نہیں آیا

کریں تو کس سے کریں نا رسائیوں کا گلہ
سفر تمام ہوا ہم سفر نہیں آیا

دلوں کی بات بدن کی زباں سے کہہ دیتے
یہ چاہتے تھے مگر دل ادھر نہیں آیا

عجیب ہی تھا مرے دور گمرہی کا رفیق
بچھڑ گیا تو کبھی لوٹ کر نہیں آیا

حریم لفظ و معانی سے نسبتیں بھی رہیں
مگر سلیقۂ عرض ہنر نہیں آیا

Azaab Ye Bhi Kisi Aur Par Nahin Aaya – Iftikhar Arif