Azab-E-Deed Mein Aankhen Lahu Lahu Kar Ke
Mohsin Naqvi Poetry
Azab-E-Deed Mein Aankhen Lahu Lahu Kar Ke
Main Sharmsar Hua Teri Justuju Kar Ke
Khandar Ki Tah Se Burida-Badan Saron Ke Siwa
Mila Na Kuchh Bhi Khazanon Ki Aarzu Kar Ke
Suna Hai Shahr Mein Zakhmi Dilon Ka Mela Hai
Chalenge Hum Bhi Magar Pairahan Rafu Kar Ke
Masafat-E-Shab-E-Hijran Ke Ba’d Bhed Khula
Hawa Dukhi Hai Charaghon Ki Aabru Kar Ke
Zamin Ki Pyas Usi Ke Lahu Ko Chat Gai
Wo Khush Hua Tha Samundar Ko Aabju Kar Ke
Ye Kis Ne Hum Se Lahu Ka Khiraj Phir Manga
Abhi To Soe The Maqtal Ko Surkh-Ru Kar Ke
Julus-E-Ahl-E-Wafa Kis Ke Dar Pe Pahuncha Hai
Nishan-E-Tauq-E-Wafa Zinat-E-Gulu Kar Ke
Ujad Rut Ko Gulabi Banae Rakhti Hai
Hamari Aankh Teri Did Se Wuzu Kar Ke
Koi To Habs-E-Hawa Se Ye Puchhta ‘Mohsin’
Mila Hai Kya Use Kaliyon Ko Be-Numu Kar Ke
عذاب دید میں آنکھیں لہو لہو کر کے
میں شرمسار ہوا تیری جستجو کر کے
کھنڈر کی تہ سے بریدہ بدن سروں کے سوا
ملا نہ کچھ بھی خزانوں کی آرزو کر کے
سنا ہے شہر میں زخمی دلوں کا میلہ ہے
چلیں گے ہم بھی مگر پیرہن رفو کر کے
مسافت شب ہجراں کے بعد بھید کھلا
ہوا دکھی ہے چراغوں کی آبرو کر کے
زمیں کی پیاس اسی کے لہو کو چاٹ گئی
وہ خوش ہوا تھا سمندر کو آب جو کر کے
یہ کس نے ہم سے لہو کا خراج پھر مانگا
ابھی تو سوئے تھے مقتل کو سرخ رو کر کے
جلوس اہل وفا کس کے در پہ پہنچا ہے
نشان طوق وفا زینت گلو کر کے
اجاڑ رت کو گلابی بنائے رکھتی ہے
ہماری آنکھ تری دید سے وضو کر کے
کوئی تو حبس ہوا سے یہ پوچھتا محسنؔ
ملا ہے کیا اسے کلیوں کو بے نمو کر کے
Mil Hi Jaega Kabhi Dil Ko Yaqin Rahta Hai (Urdu Poetry)
Wo Firaq Aur Wo Visal Kahan – Mirza Ghalib Poetry
Chalo Ek Bar Phir Se Ajnabi Ban Jaen Hum Donon
