Bas Yeh Hua Ke Usne Takalluf Se Baat Ki – Parveen Shakir

Bas Yeh Hua Ke Usne Takalluf Se Baat Ki
Parveen Shakir

Bas Yeh Hua Ke Usne Takalluf Se Baat Ki
Aur Hum Ne Rote Rote Dupatte Bhigo Liye

Palkon Pe Kachi Neendon Ka Ras Pheilta Ho Jab
Aise Mein Aankh Dhoop Ke Rukh Kaise Kholiye

Teri Barahna Paayi Ke Dukh Baantte Hue
Hum Ne Khud Apne Paon Mein Kaante Chubho Liye

Main Tera Naam Le Ke Tazabzub Mein Par Gayi
Sab Log Apne Apne Azeezon Ko Ro Liye

“Khushbu Kahin Na Jaye” Yeh Israr Hai Bohat
Aur Yeh Bhi Arzoo Ke Zara Zulf Kholiye

Tasveer Jab Nai Hai, Naya Canvas Bhi Hai
Phir Tashtari Mein Rang Purane Na Gholiye

– Parveen Shakir

بس یہ ہُوا کہ اُس نے تکلّف سے بات کی
اور ہم نے روتے روتے دوپٹے بھگو لیے

پلکوں پہ کچی نیندوں کا رَس پھیلتا ہو جب
ایسے میں آنکھ دھُوپ کے رُخ کیسے کھولیے

تیری برہنہ پائی کے دُکھ بانٹتے ہُوئے
ہم نے خُود اپنے پاؤں میں کانٹے چبھو لیے

میں تیرا نام لے کے تذبذب میں پڑ گئی
سب لوگ اپنے اپنے عزیزوں کو رو لیے!

’’خوشبو کہیں نہ جائے‘‘ یہ اصرار ہے بہت
اور یہ بھی آرزو کہ ذرا زُلف کھولیے

تصویر جب نئی ہے ، نیا کینوس بھی ہے
پھر طشتری میں رنگ پُرانے نہ گھولیے

پروین شاکر

بس یہ ہُوا کہ اُس نے تکلّف سے بات کی - پروین شاکر