Bhari Hai Dil Mein Jo Hasrat Kahoon To Kis Se Kahoon – Ghazal

Bhari Hai Dil Mein Jo Hasrat Kahoon To Kis Se Kahoon

Poet: Bahadar Shah Zafar

Bhari Hai Dil Mein Jo Hasrat Kahoon To Kis Se Kahoon
Sune Hai Kaun Museebat Kahoon To Kis Se Kahoon

Jo Tu Ho Saaf To Kuch Main Bhi Saaf Tujh Se Kahoon
Tere Hai Dil Mein Kadurat Kahoon To Kis Se Kahoon

Na Koh-Kan Hai Na Majnoon Ke The Mere Humdard
Main Apna Dard-e-Mohabbat Kahoon To Kis Se Kahoon

Dil Us Ko Aap Diya Aap Hi Pashemaan Hoon
Ke Sach Hai Apni Nadamat Kahoon To Kis Se Kahoon

Kahoon Main Jis Se Use Howe Sunte Hi Wahshat
Phir Apna Qissa-e-Wahshat Kahoon To Kis Se Kahoon

Raha Hai Tu Hi To Ghamkhwar Ae Dil-e-Ghamgeen
Tere Siwa Gham-e-Furqat Kahoon To Kis Se Kahoon

Jo Dost Ho To Kahoon Tujh Se Dosti Ki Baat
Tujhe To Mujh Se Adawat Kahoon To Kis Se Kahoon

Na Mujh Ko Kehne Ki Taqat Kahoon To Kya Ahwaal
Na Us Ko Sunne Ki Fursat Kahoon To Kis Se Kahoon

Kisi Ko Dekhta Itna Nahin Haqiqat Mein
Zafar Main Apni Haqiqat Kahoon To Kis Se Kahoon

بھری ہے دل میں جو حسرت کہوں تو کس سے کہوں
سنے ہے کون مصیبت کہوں تو کس سے کہوں

جو تو ہو صاف تو کچھ میں بھی صاف تجھ سے کہوں
ترے ہے دل میں کدورت کہوں تو کس سے کہوں

نہ کوہ کن ہے نہ مجنوں کہ تھے مرے ہمدرد
میں اپنا درد محبت کہوں تو کس سے کہوں

دل اس کو آپ دیا آپ ہی پشیماں ہوں
کہ سچ ہے اپنی ندامت کہوں تو کس سے کہوں

کہوں میں جس سے اسے ہووے سنتے ہی وحشت
پھر اپنا قصۂ وحشت کہوں تو کس سے کہوں

رہا ہے تو ہی تو غم خوار اے دل غمگیں
ترے سوا غم فرقت کہوں تو کس سے کہوں

جو دوست ہو تو کہوں تجھ سے دوستی کی بات
تجھے تو مجھ سے عداوت کہوں تو کس سے کہوں

نہ مجھ کو کہنے کی طاقت کہوں تو کیا احوال
نہ اس کو سننے کی فرصت کہوں تو کس سے کہوں

کسی کو دیکھتا اتنا نہیں حقیقت میں
ظفرؔ میں اپنی حقیقت کہوں تو کس سے کہوں