Bohat Dinon Se Nahin Apne Darmiyan Woh Shakhs
Qateel Shifai Poetry
Bohat Dinon Se Nahin Apne Darmiyan Woh Shakhs
Udaas Kar Ke Humein Chal Diya Kahaan Woh Shakhs?
Qareeb Tha To Kaha Hum Ne Sangdil Bhi Usay
Hua Jo Door To Lagta Hai Jaan, Jaan Woh Shakhs
Us Ek Shakhs Mein Thin Dilrubaaiyaan Kya Kya
Hazaar Log Milenge, Magar Kahaan Woh Shakhs?
Woh Jis Ke Naqsh-e-Qadam Se Chiraagh Jalte The
Jala Chiraagh To Khud Bhi Bana Dhuaan Woh Shakhs
Chhupa Liya Jise Patjhar Ke Zard Patton Ne
Abhi Talak Hai Bahaaron Pe Hukmraan Woh Shakhs
Qateel! Kaise Bhulaayenge Ahl-e-Dard Usay
Dilon Mein Chhod Gaya Apni Daastaan Woh Shakhs
بہت دنوں سے نہیں اپنے درمیاں وہ شخص
اداس کر کے ہمیں چل دیا کہاں وہ شخص
قریب تھا تو کہا ہم نے سنگدل بھی اُسے
ہوا جو دور تو لگتا ہے جاں، جاں وہ شخص
اُس ایک شخص میں تھیں دلربائیاں کیا کیا
ہزار لوگ ملیں گے، مگر کہاں وہ شخص؟
وہ جس کے نقشِ قدم سے چراغ جلتے تھے
جلا چراغ تو خود بھی بنا دُھواں وہ شخص
چھپا لیا جسے پت جھڑ کے زرد پتوں نے
ابھی تلک ہے بہاروں پہ حکمراں وہ شخص
قتیل! کیسے بھلائیں گے اہلِ درد اُسے
دلوں میں چھوڑ گیا اپنی داستاں وہ شخص
