Dard Kam Hone Laga Aao Ki Kuchh Raat KaTe

Dard Kam Hone Laga Aao Ki Kuchh Raat KaTe
Gham Ki Mi’ad BaDha Jao Ki Kuchh Raat KaTe

Hijr Mein Aah-o-Buka Rasm-e-Kuhan Hai Lekin
Aaj Ye Rasm Hi Duhrao Ki Kuchh Raat KaTe

Yun To Tum Raushni-e-Qalb-o-Nazar Ho Lekin
Aaj Wo Mo’jiza Dikhlao Ki Kuchh Raat KaTe

Dil Dukhata Hai Wo Mil Kar Bhi Magar Aaj Ki Raat
Usi Be-Dard Ko Le Aao Ki Kuchh Raat KaTe

Dam GhuTa Jata Hai Afsurda-Dili Se Yaro
Koi Afwah Hi Phailao Ki Kuchh Raat KaTe

Main Bhi Be-Kar Hun Aur Tum Bhi Ho Viran Bahut
Dosto Aaj Na Ghar Jao Ki Kuchh Raat KaTe

ChhoD Aae Ho Sar-e-Sham Use Kyun ‘Nasir’
Use Phir Ghar Se Bula Lao Ki Kuchh Raat KaTe

درد کم ہونے لگا آؤ کہ کچھ رات کٹے
غم کی میعاد بڑھا جاؤ کہ کچھ رات کٹے

ہجر میں آہ و بکا رسم کہن ہے لیکن
آج یہ رسم ہی دہراؤ کہ کچھ رات کٹے

یوں تو تم روشنیٔ قلب و نظر ہو لیکن
آج وہ معجزہ دکھلاؤ کہ کچھ رات کٹے

دل دکھاتا ہے وہ مل کر بھی مگر آج کی رات
اسی بے درد کو لے آؤ کہ کچھ رات کٹے

دم گھٹا جاتا ہے افسردہ دلی سے یارو
کوئی افواہ ہی پھیلاؤ کہ کچھ رات کٹے

میں بھی بیکار ہوں اور تم بھی ہو ویران بہت
دوستو آج نہ گھر جاؤ کہ کچھ رات کٹے

چھوڑ آئے ہو سر شام اسے کیوں ناصرؔ
اسے پھر گھر سے بلا لاؤ کہ کچھ رات کٹے

درد کم ہونے لگا آؤ کہ کچھ رات کٹے