Dayar-E-Dil Ki Raat Mein Charagh Sa Jala Gaya
Poet: Nasir Kazmi
Dayar-E-Dil Ki Raat Mein Charagh Sa Jala Gaya
Mila Nahin To Kya Hua Wo Shakl To Dikha Gaya
Wo Dosti To Khair Ab Nasib-E-Dushmanan Hui
Wo ChhoTi ChhoTi Ranjishon Ka Lutf Bhi Chala Gaya
Judaiyon Ke Zakham Dard-E-Zindagi Ne Bhar Diye
Tujhe Bhi Nind Aa Gai Mujhe Bhi Sabr Aa Gaya
Pukarti Hain Fursaten Kahan Gain Wo Sohbaten
Zamin Nigal Gai Unhen Ki Aasman Kha Gaya
Ye Subh Ki Safediyan Ye Dopahar Ki Zardiyan
Ab Aaine Mein Dekhta Hun Main Kahan Chala Gaya
Ye Kis Khushi Ki Ret Par Ghamon Ko Nind Aa Gai
Wo Lahr Kis Taraf Gai Ye Main Kahan Sama Gaya
Gae Dinon Ki Lash Par PaDe Rahoge Kab Talak
Alam-Kasho UTho Ki Aaftaab Sar Pe Aa Gaya
دیار دل کی رات میں چراغ سا جلا گیا
ملا نہیں تو کیا ہوا وہ شکل تو دکھا گیا
وہ دوستی تو خیر اب نصیب دشمناں ہوئی
وہ چھوٹی چھوٹی رنجشوں کا لطف بھی چلا گیا
جدائیوں کے زخم درد زندگی نے بھر دیے
تجھے بھی نیند آ گئی مجھے بھی صبر آ گیا
پکارتی ہیں فرصتیں کہاں گئیں وہ صحبتیں
زمیں نگل گئی انہیں کہ آسمان کھا گیا
یہ صبح کی سفیدیاں یہ دوپہر کی زردیاں
اب آئنے میں دیکھتا ہوں میں کہاں چلا گیا
یہ کس خوشی کی ریت پر غموں کو نیند آ گئی
وہ لہر کس طرف گئی یہ میں کہاں سما گیا
گئے دنوں کی لاش پر پڑے رہو گے کب تلک
الم کشو اٹھو کہ آفتاب سر پہ آ گیا
Read More:
Niyyat-E-Shauq Bhar Na Jaye Kahin
Barbaad-E-Mohabbat Ki Dua Sath Liye Ja
Dil Mein Ek Lahr Si Uthi Hai Abhi
Dil Dharakne Ka Sabab Yaad Aaya (Lyrics)
