Dhoondoge Agar Mulkon Mulkon

Dhoondoge Agar Mulkon Mulkon Milne Ke Nahin Nayab Hain Hum
Jo Yaad Na Aaye Bhool Ke Phir Ae Hum Nafso Woh Khawab Hain Hum

Main Hairat O Hasrat Ka Mara Khamosh Khara Hoon Saahil Par
Darya-e-Mohabbat Kahta Hai Aa Kuch Bhi Nahin Paayaab Hain Hum

Ho Jaye Bakhira Paak Kahin Paas Apne Bila Lein Behtar Hai
Ab Dard Judai Se Un Ki Ae Aah Bohat Beetaab Hain Hum

Ae Shauq Bara Us Wahm Ka Ho Maktub Tamaam Apna Na Hua
Wahan Chehra Pe Un Ke Khat Nikla Yahan Bhoolay Hue Alqaab Hain Hum

Kis Tarah Tadapte Ji Bhar Kar Yahan Zaf Ne Mushkeen Kis Dein Hain
Ho Band Aur Aatish Par Ho Chadhah Seemaab Bhi Woh Seemaab Hain Hum

Ae Shauq Pata Kuch To Hi Bata Ab Tak Ye Karishma Kuch Na Khula
Hum Mein Hai Dil Be-taab Nahan Ya Aap Dil Be-taab Hain Hum

Laakhon Hi Musafir Chaltay Hain Manzil Pe Pohnchtay Hain Do Ek
Ae Ahl-e-Zamana Qadr Karo Nayab Na Hoon Kam Yaab Hain Hum

Murghan Qafas Ko Phoolon Ne Ae Shad Ye Kehla Bheja Hai
Aa Jao Jo Tum Ko Aana Ho Aise Mein Abhi Shaadab Hain Hum

ڈھونڈوگے اگر ملکوں ملکوں ملنے کے نہیں نایاب ہیں ہم
جو یاد نہ آئے بھول کے پھر اے ہم نفسو وہ خواب ہیں ہم

میں حیرت و حسرت کا مارا خاموش کھڑا ہوں ساحل پر
دریائے محبت کہتا ہے آ کچھ بھی نہیں پایاب ہیں ہم

ہو جائے بکھیڑا پاک کہیں پاس اپنے بلا لیں بہتر ہے
اب درد جدائی سے ان کی اے آہ بہت بیتاب ہیں ہم

اے شوق برا اس وہم کا ہو مکتوب تمام اپنا نہ ہوا
واں چہرہ پہ ان کے خط نکلا یاں بھولے ہوئے القاب ہیں ہم

کس طرح تڑپتے جی بھر کر یاں ضعف نے مشکیں کس دیں ہیں
ہو بند اور آتش پر ہو چڑھا سیماب بھی وہ سیماب ہیں ہم

اے شوق پتا کچھ تو ہی بتا اب تک یہ کرشمہ کچھ نہ کھلا
ہم میں ہے دل بے تاب نہاں یا آپ دل بے تاب ہیں ہم

لاکھوں ہی مسافر چلتے ہیں منزل پہ پہنچتے ہیں دو ایک
اے اہل زمانہ قدر کرو نایاب نہ ہوں کم یاب ہیں ہم

مرغان قفس کو پھولوں نے اے شادؔ یہ کہلا بھیجا ہے
آ جاؤ جو تم کو آنا ہو ایسے میں ابھی شاداب ہیں ہم

Dhoondoge Agar Mulkon Mulkon – Full Poetry