Dhundoge Agar Mulkon Mulkon – Lyrics
Dhundoge Agar Mulkon Mulkon Milne Ke Nahin Nayab Hain Hum
Jo Yaad Na Aae Bhul Ke Phir Ai Ham-Nafaso Wo Khwab Hain Hum
Main Hairat O Hasrat Ka Mara Khamosh Khada Hun Sahil Par
Dariya-E-Mohabbat Kahta Hai Aa Kuchh Bhi Nahin Payab Hain Hum
Ho Jae Bakheda Pak Kahin Pas Apne Bula Len Behtar Hai
Ab Dard-E-Judai Se Un Ki Ai Aah Bahut Betab Hain Hum
Ai Shauq Bura Is Wahm Ka Ho Maktub Tamam Apna Na Hua
Wan Chehre Pe Un Ke Khat Nikla Yan Bhule Hue Alqab Hain Hum
Kis Tarah Tadtte Ji Bhar Kar Yan Zoaf Ne Mushkin Kas Din Hain
Ho Band Aur Aatish Par Ho Chadha Simab Bhi Wo Simab Hain Hum
Ai Shauq Pata Kuchh Tu Hi Bata Ab Tak Ye Karishma Kuchh Na Khula
Hum Mein Hai Dil-E-Betab Nihan Ya Aap Dil-E-Betab Hain Hum
Lakhon Hi Musafir Chalte Hain Manzil Pe Pahunchte Hain Do Ek
Ai Ahl-E-Zamana Qadr Karo Nayab Na Hon Kam-Yab Hain Hum
Murghan-E-Qafas Ko Phulon Ne Ai ‘Shad’ Ye Kahla Bheja Hai
Aa Jao Jo Tum Ko Aana Ho Aise Mein Abhi Shadab Hain Hum
Dhundoge Agar Mulkon Mulkon – Lyrics in Urdu
ڈھونڈوگے اگر ملکوں ملکوں ملنے کے نہیں نایاب ہیں ہم
جو یاد نہ آئے بھول کے پھر اے ہم نفسو وہ خواب ہیں ہم
میں حیرت و حسرت کا مارا خاموش کھڑا ہوں ساحل پر
دریائے محبت کہتا ہے آ کچھ بھی نہیں پایاب ہیں ہم
ہو جائے بکھیڑا پاک کہیں پاس اپنے بلا لیں بہتر ہے
اب درد جدائی سے ان کی اے آہ بہت بیتاب ہیں ہم
اے شوق برا اس وہم کا ہو مکتوب تمام اپنا نہ ہوا
واں چہرہ پہ ان کے خط نکلا یاں بھولے ہوئے القاب ہیں ہم
کس طرح تڑپتے جی بھر کر یاں ضعف نے مشکیں کس دیں ہیں
ہو بند اور آتش پر ہو چڑھا سیماب بھی وہ سیماب ہیں ہم
اے شوق پتا کچھ تو ہی بتا اب تک یہ کرشمہ کچھ نہ کھلا
ہم میں ہے دل بے تاب نہاں یا آپ دل بے تاب ہیں ہم
لاکھوں ہی مسافر چلتے ہیں منزل پہ پہنچتے ہیں دو ایک
اے اہل زمانہ قدر کرو نایاب نہ ہوں کم یاب ہیں ہم
مرغان قفس کو پھولوں نے اے شادؔ یہ کہلا بھیجا ہے
آ جاؤ جو تم کو آنا ہو ایسے میں ابھی شاداب ہیں ہم
