Dil Hi To Hai Na Sang-o-Khist Dard Se Bhar Na Aaye Kyun
– Mirza Ghalib Poetry
Dil Hi To Hai Na Sang-o-Khist Dard Se Bhar Na Aaye Kyun
Royenge Hum Hazaar Baar Koyee Hamein Sataye Kyun
Dair Nahin, Haram Nahin, Dar Nahin, Aastan Nahin
Baithe Hain Reh-Guzar Pe Hum Gair Hamein Uthaye Kyun
Jab Wo Jamaal-e-Dilfaroze Soorte-Mehre Neem-Roze
Aap Hi Ho Nazaar-Soze Parde Mein Munh Chuppaye Kyun
Dashne-e-Gamaza Jaan-Sitan Naavke-Naaz Bepanah
Tera Hi Akse-Rukh Sahi, Saame Tere Aaye Kyun
Kaide-Hayat-O-Band-e-Gam, Asl Mein Dono Ek Hain
Maut Se Pehlre Aadmi Gum Se Nijaat Paye Kyun
Husn Aur Us Pe Husn-e-Zun Reh Gayee Bulhavas Ki Sharm
Apne Pe Etmad Hai, Gair Ko Aazmaye Kyun
Van Veh Garure-Izz-o-Naaz Yan Yeh Hijabe-Paase-Vazan
Raah Mein Hum Milen Kahan Bazm Mein Veh Bulaye Kyun
Han Voh Nahin Khuda Parasat Jaao Veh Bewafa Sahi
Jisko Ho Dino-Dil Aziz Uski Gali Mein Jaye Kyun
Ghalib-e-Khast Ke Bagair Kaunse Kaam Band Hain
Roye Zar-Zar Kaya Keejiye Haye-Haye Kyun
دل ہی تو ہے نہ سنگ و خشت، درد سے بھر نہ آئے کیوں
دل ہی تو ہے نہ سنگ و خشت، درد سے بھر نہ آئے کیوں
روئیں گے ہم ہزار بار، کوئی ہمیں ستائے کیوں
دیر نہیں، حرم نہیں، در نہیں، آستاں نہیں
بیٹھے ہیں رہ گزُر پہ ہم، غیر ہمیں اُٹھائے کیوں
جب وہ جمالِ دل فروز، صورتِ مہرِ نیم روز
آپ ہی ہو نظارہ سوز، پردے میں منہ چھپائے کیوں
دشنۂ غمزہ جاں سِتاں، ناوکِ ناز بے پناہ
تیرا ہی عکسِ رُخ سہی، سامنے تیرے آئے کیوں
قیدِ حیات و بندِ غم، اصل میں دونوں ایک ہیں
موت سے پہلے آدمی، غم سے نجات پائے کیوں
حُسن اور اُس پہ حُسنِ ظن، رہ گئی بوالہوس کی شرم
اپنے پہ اعتماد ہے، غیر کو آزمائے کیوں
واں وہ غرورِ عزّ و ناز، یاں یہ حجابِ پاس وضع
راہ میں ہم ملیں کہاں، بزم میں وہ بلائے کیوں
ہاں وہ نہیں خُدا پرست، جاؤ وہ بے وفا سہی
جس کو ہوں دین و دل عزیز، اُس کی گلی میں جائے کیوں
غالبِ خستہ کے بغیر کون سے کام بند ہیں
روئیے زار زار کیا، کیجئے ہائے ہائے کیوں
