Dil Ke Muamlaat Se Anjaan To Na Tha
Is Ghar Ka Fard Tha Koi Mehmaan To Na Tha
Kat To Gaya Hai Kaise Kata Yeh Na Poochiye
Yaaro Safar-E-Hayaat Ka Aasaan To Na Tha
Theen Jin Ke Dam Se Ronaqein Shehron Mein Ja Base
Warna Hamara Gaon Yun Veeraan To Na Tha
Baahon Mein Jab Liya Use Naadaan Tha Zaroor
Jab Chhor Kar Gaya Mujhe Naadaan To Na Tha
Neelaam Ghar Banaya Nahi Apni Zaat Ko
Kamzor Is Qadar Mera Imaan To Na Tha
Rasman Hi Aa Ke Poochta Farooq Haal-E-Dil
Kuch Is Mein Us Ki Zaat Ka Nuqsaan To Na Tha
دل کے معاملات سے انجان تو نہ تھا
اس گھر کا فرد تھا کوئی مہمان تو نہ تھا
کٹ تو گیا ہے کیسے کٹا یہ نہ پوچھئے
یارو سفر حیات کا آسان تو نہ تھا
تھیں جن کے دم سے رونقیں شہروں میں جا بسے
ورنہ ہمارا گاؤں یوں ویران تو نہ تھا
بانہوں میں جب لیا اسے نادان تھا ضرور
جب چھوڑ کر گیا مجھے نادان تو نہ تھا
نیلام گھر بنایا نہیں اپنی ذات کو
کمزور اس قدر ، میرا ایمان تو نہ تھا
رسماً ھی آ کے پُوچھتا ، فاروق حالِ دل
کچھ اِس میں اُس کی ذات کا ، نقصان تو نہ تھا
فاروق روکھڑی
