Dil Ki Baat Kahi Nahin Jati

Dil Ki Baat Kahi Nahin Jati Chupke Rahna Thana Hai
Haal Agar Hai Aisa Hi To Ji Se Jaana Jaana Hai

Us Ki Nigah-E-Tez Hai Mere Dosh-O-Bar Par In Rozon
Yani Dil Pahlu Mein Mere Tir-E-Sitam Ka Nishana Hai

Dil Jo Rahe To Panw Ko Bhi Daman Mein Hum Khinch Rakhen
Subh Se Le Kar Sanjh Talak Udhar Hi Jaana Aana Hai

Surkh Kabhu Aansu Hain Hote Zard Kabhu Hai Munh Mera
Kya Kya Rang Mohabbat Ke Hain Ye Bhi Ek Zamana Hai

Is Naumidi-E-Be-Ghayat Par Kis Miqdar Kudha Kariye
Do Dam Jite Rahna Hai To Qayamat Tak Mar Jaana Hai

Fursat Kam Hai Yan Rahne Ki Baat Nahin Kuchh Kehne Ki
Aankhen Khol Ke Kan Jo Kholo Bazm-E-Jahan Afsana Hai

Faeda Hoga Kya Mutarattib Naseh Harza-Darai Se
Kis Ki Nasihat Kaun Sune Hai Aashiq To Diwana Hai

Tegh Tale Hi Us Ki Kyon Na Gardan Dal Ke Ja Baithen
Sar To Aakhir-Kar Hamein Bhi Khak Ki Or Jhukana Hai

Aankhon Ki Ye Mardum-Dari Dil Ko Kisu Dilbar Se Hai
Tarz-E-Nigah Tarrari Sari ‘Mir’ Tumhein Pahchana Hai

دل کی بات کہی نہیں جاتی چپکے رہنا ٹھانا ہے
حال اگر ہے ایسا ہی تو جی سے جانا جانا ہے

اس کی نگاہ تیز ہے میرے دوش و بر پر ان روزوں
یعنی دل پہلو میں میرے تیر ستم کا نشانہ ہے

دل جو رہے تو پاؤں کو بھی دامن میں ہم کھینچ رکھیں
صبح سے لے کر سانجھ تلک اودھر ہی جانا آنا ہے

سرخ کبھو آنسو ہیں ہوتے زرد کبھو ہے منہ میرا
کیا کیا رنگ محبت کے ہیں یہ بھی ایک زمانہ ہے

اس نومیدیٔ بے غایت پر کس مقدار کڑھا کریے
دو دم جیتے رہنا ہے تو قیامت تک مر جانا ہے

فرصت کم ہے یاں رہنے کی بات نہیں کچھ کہنے کی
آنکھیں کھول کے کان جو کھولو بزم جہاں افسانہ ہے

فائدہ ہوگا کیا مترتب ناصح ہرزہ درائی سے
کس کی نصیحت کون سنے ہے عاشق تو دیوانہ ہے

تیغ تلے ہی اس کی کیوں نہ گردن ڈال کے جا بیٹھیں
سر تو آخر کار ہمیں بھی خاک کی اور جھکانا ہے

آنکھوں کی یہ مردم داری دل کو کسو دلبر سے ہے
طرز نگہ طراری ساری میرؔ تمہیں پہچانا ہے

Dil Ki Baat Kahi Nahin Jati – Mir Taqi Mir Poetry