Ghazal: Dil Ko Mita Ke Daagh-e-Tamanna Diya Mujhe
Poet: Jigar Muradabadi
Dil Ko Mita Ke Daagh-e-Tamanna Diya Mujhe
Ae Ishq! Teri Khair Ho, Yeh Kya Diya Mujhe
Mahshar Mein Baat Bhi Na Zabaan Se Nikal Saki
Kya Jhuk Ke Us Nigaah Ne Samjha Diya Mujhe
Main, Aur Aarzoo-e-Wisaal-e-Pari Rukhan
Is Ishq-e-Saada Loh Ne Behka Diya Mujhe
Har Baar, Yaas-e-Hijr Mein Dil Ki Hui Shareek
Har Martaba, Umeed Ne Dhoka Diya Mujhe
Allah Re Tegh-e-Ishq Ki Barham Mizajiyan
Mere Hi Khoon-e-Shoq Mein Nehla Diya Mujhe
Khush Hoon, Ke Husn-e-Yaar Ne Khud Apne Haath Se
Ik Dil-Fareb Daagh-e-Tamanna Diya Mujhe
Duniya Se Kho Chuka Tha Mera Josh-e-Intezar
Aawaaz-e-Paaye-Yaar Ne Chonka Diya Mujhe
Da’wa Kiya Tha Zabt-e-Mohabbat Ka, Ae Jigar
Zalim Ne, Baat Baat Pe Tadpa Diya Mujhe
دِل کو مِٹا کے داغِ تمنّا دِیا مجھے
اے عِشق ! تیری خیر ہو، یہ کیا دِیا مجھے
محشر میں بات بھی نہ زباں سے نِکل سکی
کیا جُھک کے اُس نگاہ نے سمجھا دِیا مجھے
مَیں، اور آرزُوئےوصالِ پَرِی رُخاں
اِس عِشقِ سادہ لَوح نے، بہکا دِیا مجھے
ہر بار، یاس ہجر میں دِل کی ہُوئی شریک!
ہر مرتبہ ، اُمید نے دھوکہ دِیا مجھے
اللہ رے تیغِ عِشق کی برہم مزاجِیاں
میرے ہی خُونِ شوق میں نہلا دِیا مجھے
خوش ہُوں ،کہ حُسنِ یار نےخود اپنے ہاتھ سے
اِک دِل فریب داغِ تمنّا دِیا مجھے
دُنیا سے کھو چکُا تھا مِرا جوشِ اِنتظار
آوازِ پائے یار نے، چَونکا دِیا مجھے
دعوٰی کِیا تھا ضبطِ محبّت کا، اے جِگر
ظالم نے ، بات بات پہ تڑپا دِیا مجھے
جِگر مُرادآبادی
