Dil Mein Ek Lahr Si Uthi Hai Abhi (Nasir Kazmi Poetry)

Dil Mein Ek Lahr Si Uthi Hai Abhi

Dil Mein Ek Lahr Si Uthi Hai Abhi
Koi Taza Hawa Chali Hai Abhi

Kuchh To Nazuk Mizaj Hain Hum Bhi
Aur Ye Chot Bhi Nai Hai Abhi

Shor Barpa Hai Khana-E-Dil Mein
Koi Diwar Si Giri Hai Abhi

Bhari Duniya Mein Ji Nahin Lagta
Jaane Kis Chiz Ki Kami Hai Abhi

Tu Sharik-E-Sukhan Nahin Hai To Kya
Ham-Sukhan Teri Khamoshi Hai Abhi

Yaad Ke Be-Nishan Jaziron Se
Teri Aawaz Aa Rahi Hai Abhi

Shahr Ki Be-Charagh Galiyon Mein
Zindagi Tujh Ko Dhundti Hai Abhi

So Gae Log Us Haweli Ke
Ek Khidki Magar Khuli Hai Abhi

Tum To Yaro Abhi Se Uth Baithe
Shahr Mein Raat Jagti Hai Abhi

Waqt Acha Bhi Aaega ‘Nasir’
Gham Na Kar Zindagi Padi Hai Abhi

دل میں اک لہر سی اٹھی ہے ابھی
کوئی تازہ ہوا چلی ہے ابھی

کچھ تو نازک مزاج ہیں ہم بھی
اور یہ چوٹ بھی نئی ہے ابھی

شور برپا ہے خانۂ دل میں
کوئی دیوار سی گری ہے ابھی

بھری دنیا میں جی نہیں لگتا
جانے کس چیز کی کمی ہے ابھی

تو شریک سخن نہیں ہے تو کیا
ہم سخن تیری خامشی ہے ابھی

یاد کے بے نشاں جزیروں سے
تیری آواز آ رہی ہے ابھی

شہر کی بے چراغ گلیوں میں
زندگی تجھ کو ڈھونڈتی ہے ابھی

سو گئے لوگ اس حویلی کے
ایک کھڑکی مگر کھلی ہے ابھی

تم تو یارو ابھی سے اٹھ بیٹھے
شہر میں رات جاگتی ہے ابھی

وقت اچھا بھی آئے گا ناصرؔ
غم نہ کر زندگی پڑی ہے ابھی