Dooriyan Simatne Mein Der Kuch To Lagti Hai
Amjad Islam Amjad
Dooriyan Simatne Mein Der Kuch To Lagti Hai
Ranjishon Ke Mitne Mein Der Kuch To Lagti Hai
Hijr Ke Doraahe Par Ek Pal Na Thahra Woh
Raaste Badalne Mein Der Kuch To Lagti Hai
Aankh Se Na Hatna Tum Aankh Ke Jhupakne Tak
Aankh Ke Jhupakne Mein Der Kuch To Lagti Hai
Haadsa Bhi Hone Mein Waqt Kuch To Leta Hai
Bakht Ke Bigadne Mein Der Kuch To Lagti Hai
Khushk Bhi Na Ho Paai Roshnai Harfon Ki
Jaan-e-Man Makarne Mein Der Kuch To Lagti Hai
Fard Ki Nahin Hai Ye Baat Hai Qabeelay Ki
Gir Ke Phir Sambhalne Mein Der Kuch To Lagti Hai
Dard Ki Kahani Ko Ishq Ke Fasaane Ko
Dastaan Ban’ne Mein Der Kuch To Lagti Hai
Dastaken Bhi Dene Par Dar Agar Na Khulta Ho
Seedhiyan Utarne Mein Der Kuch To Lagti Hai
Khwaahishen Parindon Se Laakh Milti Julti Hon
Dost Par Nikalne Mein Der Kuch To Lagti Hai
Umar Bhar Ki Muhlat To Waqt Hai Taaruf Ka
Zindagi Samajhne Mein Der Kuch To Lagti Hai
Rang Yun To Hote Hain Badlon Ke Andar Hi
Par Dhanak Ke Ban’ne Mein Der Kuch To Lagti Hai
Un Ki Aur Phoolon Ki Ek Si Radaen Hain
Titliyan Pakadne Mein Der Kuch To Lagti Hai
Zalzale Ki Soorat Mein Ishq Waar Karta Hai
Sochne Samajhne Mein Der Kuch To Lagti Hai
Bheed Waqt Leti Hai Rehnuma Parkhne Mein
Karwaan Ban’ne Mein Der Kuch To Lagti Hai
Ho Chaman Ke Phoolon Ka Ya Kisi Paray-wash Ka
Husn Ke Sanwarne Mein Der Kuch To Lagti Hai
Mustaqil Nahin Amjad Ye Dhuaan Muqaddar Ka
Lakriyan Sulagne Mein Der Kuch To Lagti Hai
Dooriyan Simatne Mein Der Kuch To Lagti Hai
Ghazal in Urdu
دوریاں سمٹنے میں دیر کچھ تو لگتی ہے
رنجشوں کے مٹنے میں دیر کچھ تو لگتی ہے
ہجر کے دوراہے پر ایک پل نہ ٹھہرا وہ
راستے بدلنے میں دیر کچھ تو لگتی ہے
آنکھ سے نہ ہٹنا تم آنکھ کے جھپکنے تک
آنکھ کے جھپکنے میں دیر کچھ تو لگتی ہے
حادثہ بھی ہونے میں وقت کچھ تو لیتا ہے
بخت کے بگڑنے میں دیر کچھ تو لگتی ہے
خشک بھی نہ ہو پائی روشنائی حرفوں کی
جان من مکرنے میں دیر کچھ تو لگتی ہے
فرد کی نہیں ہے یہ بات ہے قبیلے کی
گر کے پھر سنبھلنے میں دیر کچھ تو لگتی ہے
درد کی کہانی کو عشق کے فسانے کو
داستان بننے میں دیر کچھ تو لگتی ہے
دستکیں بھی دینے پر در اگر نہ کھلتا ہو
سیڑھیاں اترنے میں دیر کچھ تو لگتی ہے
خواہشیں پرندوں سے لاکھ ملتی جلتی ہوں
دوست پر نکلنے میں دیر کچھ تو لگتی ہے
عمر بھر کی مہلت تو وقت ہے تعارف کا
زندگی سمجھنے میں دیر کچھ تو لگتی ہے
رنگ یوں تو ہوتے ہیں بادلوں کے اندر ہی
پر دھنک کے بننے میں دیر کچھ تو لگتی ہے
ان کی اور پھولوں کی ایک سی ردائیں ہیں
تتلیاں پکڑنے میں دیر کچھ تو لگتی ہے
زلزلے کی صورت میں عشق وار کرتا ہے
سوچنے سمجھنے میں دیر کچھ تو لگتی ہے
بھیڑ وقت لیتی ہے رہنما پرکھنے میں
کاروان بننے میں دیر کچھ تو لگتی ہے
ہو چمن کے پھولوں کا یا کسی پری وش کا
حسن کے سنورنے میں دیر کچھ تو لگتی ہے
مستقل نہیں امجدؔ یہ دھواں مقدر کا
لکڑیاں سلگنے میں دیر کچھ تو لگتی ہے
