Duniya Jise Kehte Hain Jadoo Ka Khilona Hai

Duniya Jise Kehte Hain Jadoo Ka Khilona Hai
Mil Jaye To Mitti Hai Kho Jaye To Sona Hai

Achha Sa Koi Mausam Tanha Sa Koi Aalam
Har Waqt Ka Rona To Bekaar Ka Rona Hai

Barsaat Ka Baadal To Deewana Hai Kya Jaane
Kis Raah Se Bachna Hai Kis Chhat Ko Bhigona Hai

Yeh Waqt Jo Tera Hai Yeh Waqt Jo Mera Hai
Har Gaam Pe Pehra Hai Phir Bhi Ise Khona Hai

Gham Ho Ke Khushi Donon Kuch Door Ke Saathi Hain
Phir Rasta Hi Rasta Hai Hansna Hai Na Rona Hai

Aawara Mizaaji Ne Phaila Diya Aangan Ko
Aakaash Ki Chaadar Hai Dharti Ka Bichhona Hai

دنیا جسے کہتے ہیں جادو کا کھلونا ہے
مل جائے تو مٹی ہے کھو جائے تو سونا ہے

اچھا سا کوئی موسم تنہا سا کوئی عالم
ہر وقت کا رونا تو بے کار کا رونا ہے

برسات کا بادل تو دیوانہ ہے کیا جانے
کس راہ سے بچنا ہے کس چھت کو بھگونا ہے

یہ وقت جو تیرا ہے یہ وقت جو میرا ہے
ہر گام پہ پہرا ہے پھر بھی اسے کھونا ہے

غم ہو کہ خوشی دونوں کچھ دور کے ساتھی ہیں
پھر رستہ ہی رستہ ہے ہنسنا ہے نہ رونا ہے

آوارہ مزاجی نے پھیلا دیا آنگن کو
آکاش کی چادر ہے دھرتی کا بچھونا ہے

Duniya Jise Kehte Hain Jadoo Ka Khilona Hai – Nida Fazli