Ek Pal Baghair Dekhe Use Kya Guzar Gaya - Adeem Hashmi

Ek Pal Baghair Dekhe Use Kya Guzar Gaya
Aise Laga Ke Ek Zamana Guzar Gaya

Sab Ke Liye Buland Rahe Haath Umar Bhar
Apne Liye Duaon Ka Lamha Guzar Gaya

Koi Hujum Dehr Mein Karta Raha Talaash
Koi Rah-e-Hayat Se Tanha Guzar Gaya

Milna To Khair Us Ko Naseebon Ki Baat Hai
Dekhe Hue Bhi Us Ko Zamana Guzar Gaya

Dil Yoon Kata Hua Hai Kisi Ki Judai Mein
Jaise Kisi Zameen Se Darya Guzar Gaya

Is Baat Ka Malaal Bohat Hai Mujhe Adeem
Woh Mere Samne Se Akela Guzar Gaya

Hum Dekhne Ka Dhang Samajhte Rahe Adeem
Itne Mein Zindagi Ka Tamasha Guzar Gaya

Baqi Bas Ek Naam-e-Khuda Reh Gaya Adeem
Sab Kuch Baha Ke Waqt Ka Darya Guzar Gaya

اک پل بغیر دیکھے اسے کیا گزر گیا
ایسے لگا کہ ایک زمانہ گزر گیا

سب کے لیے بلند رہے ہاتھ عمر بھر
اپنے لیے دعاؤں کا لمحہ گزر گیا

کوئی ہجوم دہر میں کرتا رہا تلاش
کوئی رہ حیات سے تنہا گزر گیا

ملنا تو خیر اس کو نصیبوں کی بات ہے
دیکھے ہوئے بھی اس کو زمانہ گزر گیا

دل یوں کٹا ہوا ہے کسی کی جدائی میں
جیسے کسی زمین سے دریا گزر گیا

اس بات کا ملال بہت ہے مجھے عدیمؔ
وہ میرے سامنے سے اکیلا گزر گیا

ہم دیکھنے کا ڈھنگ سمجھتے رہے عدیمؔ
اتنے میں زندگی کا تماشا گزر گیا

باقی بس ایک نام خدا رہ گیا عدیمؔ
سب کچھ بہا کے وقت کا دریا گزر گیا

Ek Pal Baghair Dekhe Use Kya Guzar Gaya – Adeem Hashmi