Falak Se Khaak Par Laaya Gaya Hoon
Adeem Hashmi
Falak Se Khaak Par Laaya Gaya Hoon
Kahan Khoya Kahan Paaya Gaya Hoon
Main Zewar Hoon Aroos-e-Zindagi Ka
Baday Tewar Se Pehnaya Gaya Hoon
Nahi Arz O Guzaarish Mera Shewa
Sada-e-Kun Mein Farmaaya Gaya Hoon
Bata Ae Inteha-e-Husn-e-Duniya
Main Behka Hoon Ke Behkaaya Gaya Hoon
Mujhe Yeh To Bata Ae Shiddat-e-Wasl
Main Lipta Hoon Ke Liptaya Gaya Hoon
Badan Bheega Hua Hai Motiyon Se
Yeh Kis Pani Se Nehlaaya Gaya Hoon
Agar Jaana Hi Thehra Hai Jahan Se
To Main Duniya Mein Kyun Laaya Gaya Hoon
Yeh Mera Dil Hai Ya Teri Nazar Hai
Main Tarpa Hoon Ke Tarpaya Gaya Hoon
Mujhe Ae Meherbaan Yeh To Bata De
Main Thehra Hoon Ke Thehraaya Gaya Hoon
Teri Galiyon Se Bach Kar Chal Raha Tha
Teri Galiyon Mein Hi Paaya Gaya Hoon
Jahan Roki Gayi Hain Meri Kirnen
Wahan Main Soorat-e-Saaya Gaya Hoon
Adeem Ik Aarzu Thi Zindagi Mein
Usi Ke Saath Dafnaya Gaya Hoon
فلک سے خاک پر لایا گیا ہوں
کہاں کھویا کہاں پایا گیا ہوں
میں زیور ہوں عروسِ زِندگی کا
بڑے تیور سے پہنایا گیا ہوں
نہیں عرض و گزارش میرا شیوہ
صدائے کن میں فرمایا گیا ہوں
بتا اے انتہائے حسنِ دنیا
میں بہکا ہوں کہ بہکایا گیا ہوں
مجھے یہ تو بتا اے شدتِ وصل
میں لپٹا ہوں کہ لپٹایا گیا ہوں
بدن بھیگا ہوا ہے موتیوں سے
یہ کس پانی سے نہلایا گیا ہوں
اگر جانا ہی ٹھہرا ہے جہاں سے
تو میں دنیا میں کیوں لایا گیا ہوں
یہ میرا دل ہے یا تیری نظر ہے
میں تڑپا ہوں کہ تڑپایا گیا ہوں
مجھے اے مہرباں یہ تو بتا دے
میں ٹھہرا ہوں کہ ٹھہرایا گیا ہوں
تِری گلیوں سے بچ کر چل رہا تھا
تِری گلیوں میں ہی پایا گیا ہوں
جہاں روکی گئی ہیں میری کِرنیں
وہاں میں صورتِ سایہ گیا ہوں
عدیمؔ اِک آرزو تھی زِندگی میں
اُسی کے ساتھ دفنایا گیا ہوں
