Hawa-e-Shaam Zara Sa Qayaam Hoga Na – Ghazal
ہوائے شام ذرا سا قیام ہوگا نا
چراغ جاں کو جلاؤں کلام ہوگا نا
بس ایک بات ہی پوچھی بچھڑنے والے نے
کبھی کہیں پہ ملے تو سلام ہوگا نا
رخ جمال پہ شکنیں ہی جب سجی ہوں گی
تو پھر ہمارا رویہ بھی خام ہوگا نا
تری بہشت میں حور و قصور ہوں گے مگر
قرار جاں کا بھی کچھ انتظام ہوگا نا
کبھی کبھار ہی لیکن پکارتے ہیں تجھے
ہمارا چاہنے والوں میں نام ہوگا نا
اگر میں آدھا ادھورا ہی لوٹ آؤں تو
نگاہ ناز وہی اہتمام ہوگا نا
بس ایک بار محبت سے دیکھنا ہے ادھر
بتاؤ تم سے یہ چھوٹا سا کام ہوگا نا
چراغ جلتے رہیں یا کہ راکھ ہو جائیں
تمہارے آتشیں رخ کو دوام ہوگا نا
افتخار شاھد ابو سعد
Hawa-e-Shaam Zara Sa Qayaam Hoga Na
Chiraagh-e-Jaan Ko Jalaoon Kalaam Hoga Na
Bas Aik Baat Hi Poochhi Bichharne Waale Ne
Kabhi Kahin Pe Mile To Salaam Hoga Na
Rukh-e-Jamaal Pe Shiknen Hi Jab Saji Hongi
To Phir Hamaara Raviya Bhi Khaam Hoga Na
Teri Bahisht Mein Hoor-o-Qasoor Honge Magar
Qaraar-e-Jaan Ka Bhi Kuch Intezaam Hoga Na
Kabhi Kabhaar Hi Lekin Pukaartay Hain Tujhe
Hamaara Chaahne Walon Mein Naam Hoga Na
Agar Main Aadhaa Adhoora Hi Laut Aaon To
Nigaah-e-Naaz Wohi Ahtemaam Hoga Na
Bas Aik Baar Mohabbat Se Dekhna Hai Idhar
Batao Tum Se Yeh Chhota Sa Kaam Hoga Na
Chiraagh Jaltay Rahen Ya Ke Raakh Ho Jaen
Tumhaare Aatishin Rukh Ko Dawaam Hoga Na
