Jab Bahaar Aayi To Sehra Ki Taraf Chal Nikla
جب بہار آئی تو صحرا کی طرف چل نکلا
صحنِ گُل چھوڑ گیا، دل میرا پاگل نکلا
جب اسے ڈھونڈنے نکلے تو نشاں تک نہ ملا
دل میں موجود رہا۔ آنکھ سے اوجھل نکلا
اک ملاقات تھی جو دل کوسدا یاد رہی
ہم جسے عمر سمجھتے تھے وہ اک پل نکلا
وہ جو افسانہء غم سن کے ہنسا کرتے تھے
اتنا روئے ہیں کہ سب آنکھ کا کاجل نکلا
ہم سکوں ڈھونڈنے نکلے تھے، پریشان رہے
شہر تو شہر ہے، جنگل بھی نہ جنگل نکلا
کون ایوب پریشاں نہیں تاریکی میں
چاند افلاک پہ،دل سینے میں بے کل نکلا
ایوب رومانی
Jab Bahaar Aayi To Sehra Ki Taraf Chal Nikla
Sehn-e-Gul Chhor Gaya, Dil Mera Paagal Nikla
Jab Use Dhoondhne Nikle To Nishaan Tak Na Mila
Dil Mein Maujood Raha, Aankh Se Oojhal Nikla
Ek Mulaqaat Thi Jo Dil Ko Sada Yaad Rahi
Hum Jise Umar Samajhte Thay Woh Ek Pal Nikla
Woh Jo Afsana-e-Gham Sun Ke Hansa Karte Thay
Itna Roye Hain Ke Sab Aankh Ka Kajal Nikla
Hum Sukoon Dhoondhne Nikle Thay, Pareshan Rahe
Shehr To Shehr Hai, Jangal Bhi Na Jangal Nikla
Kaun Ayyub Pareshan Nahin Tareeki Mein
Chaand Aflak Pe, Dil Seene Mein Bekal Nikla
