Ghazal Pa Ba Gul Sab Hain Rahai Ki Kare Tadbeer Kaun

Pa Ba Gul Sab Hain Rahai Ki Kare Tadbeer Kaun
Dast Basta Shehar Mein Khole Meri Zanjeer Kaun

Mera Sar Haazir Hai Lekin Mera Munsif Dekh Le
Kar Raha Hai Meri Fard-e-Jurm Ko Tehreer Kaun

Aaj Darwazon Pe Dastak Jani Pehchani Si Hai
Aaj Mere Naam Laata Hai Meri Tazeer Kaun

Koi Maqtal Ko Gaya Tha Muddaton Pehle Magar
Hai Dar-e-Khaima Pe Ab Tak Soorat-e-Tasveer Kaun

Meri Chadar To Chhni Thi Shaam Ki Tanhai Mein
Be Radaai Ko Meri Phir De Gaya Tashheer Kaun

Sach Jahan Paabasta Mulzim Ke Katahre Mein Mile
Is Adalat Mein Sunega Adl Ki Tafseer Kaun

Neend Jab Khwabon Se Pyari Ho To Aise Ehad Mein
Khwab Dekhe Kaun Aur Khwabon Ko De Tabeer Kaun

Rait Abhi Pichhle Makanon Ki Na Wapas Aayi Thi
Phir Lab-e-Saahil Gharonda Kar Gaya Tameer Kaun

Saare Rishte Hijraton Mein Saath Detey Hain To Phir
Shehar Se Jaate Hue Hota Hai Daman Geer Kaun

Dushmanon Ke Saath Mere Dost Bhi Aazaad Hain
Dekhna Hai Khenchta Hai Mujh Pe Pehla Teer Kaun

پا بہ گل سب ہیں رہائی کی کرے تدبیر کون
دست بستہ شہر میں کھولے مری زنجیر کون

میرا سر حاضر ہے لیکن میرا منصف دیکھ لے
کر رہا ہے میری فرد جرم کو تحریر کون

آج دروازوں پہ دستک جانی پہچانی سی ہے
آج میرے نام لاتا ہے مری تعزیر کون

کوئی مقتل کو گیا تھا مدتوں پہلے مگر
ہے در خیمہ پہ اب تک صورت تصویر کون

میری چادر تو چھنی تھی شام کی تنہائی میں
بے ردائی کو مری پھر دے گیا تشہیر کون

سچ جہاں پابستہ ملزم کے کٹہرے میں ملے
اس عدالت میں سنے گا عدل کی تفسیر کون

نیند جب خوابوں سے پیاری ہو تو ایسے عہد میں
خواب دیکھے کون اور خوابوں کو دے تعبیر کون

ریت ابھی پچھلے مکانوں کی نہ واپس آئی تھی
پھر لب ساحل گھروندا کر گیا تعمیر کون

سارے رشتے ہجرتوں میں ساتھ دیتے ہیں تو پھر
شہر سے جاتے ہوئے ہوتا ہے دامن گیر کون

دشمنوں کے ساتھ میرے دوست بھی آزاد ہیں
دیکھنا ہے کھینچتا ہے مجھ پہ پہلا تیر کون

پا بہ گل سب ہیں رہائی کی کرے تدبیر کون - پروین شاکر