Sone Daar-o-Rasan Batlate Hain
سونے سونے دار و رسن بتلاتے ہیں
سچ کہنے سے لوگ بہت کتراتے ہیں
آنسو بن جاتے ہیں غم کہلاتے ہیں
وہ جذبے جو دل ہی میں مر جاتے ہیں
یہ ہے بات جدا وہ ہم سے کہہ نہ سکے
ورنہ خواب تو گونگے کو بھی آتے ہیں
جس کی جانب آنکھ اٹھانا مشکل ہو
ہم اس سچائی پر قلم اٹھاتے ہیں
ہر فرمائش آئندہ پر ٹالتا ہوں
بچے مجھ سے جھوٹ بہت بلواتے ہیں
دل تیری قربت میں بھی افسردہ ہے
کیا شاخوں پر بھی غنچے کمھلاتے ہیں
دیدہ و دل دونوں کیوں اک ساتھ بجھے
مہر و ماہ اکٹھے کب گہناتے ہیں
سائے پھل اور پھولوں کے بدلے نصرتؔ
سوچئے ہم اشجار کو کیا لوٹاتے ہیں
نصرت صدیقی
Sone Sone Daar-o-Rasan Batlate Hain
Sach Kehne Se Log Bohat Katrate Hain
Aansoo Ban Jaate Hain Gham Kehlate Hain
Woh Jazbe Jo Dil Hi Mein Mar Jaate Hain
Yeh Hai Baat Juda Woh Hum Se Keh Na Sake
Warna Khwab To Goongay Ko Bhi Aate Hain
Jis Ki Janib Aankh Uthana Mushkil Ho
Hum Us Sachai Par Qalam Uthate Hain
Har Farmaish Aayinda Par Taalta Hoon
Bachay Mujh Se Jhoot Bohat Bulwate Hain
Dil Teri Qurbat Mein Bhi Afsurda Hai
Kya Shaakhon Par Bhi Ghunche Kumhlate Hain
Deeda-o-Dil Dono Kyun Ik Saath Bujhe
Mehr-o-Maah Ikatthe Kab Gahanate Hain
Saaye Phal Aur Phoolon Ke Badlay Nusrat
Sochiye Hum Ashjaar Ko Kya Loutate Hain
