Ghazal - Thay Khawab Ek Hamare Bhi Aur Tumhare Bhi

Thay Khawab Ek Hamare Bhi Aur Tumhare Bhi
Par Apna Khail Dikhatay Rahe Sataaray Bhi

Yeh Zindagi Hai Yahan Is Tarah Hi Hota Hai
Sabhi Ne Bojh Se Laaday Hain Kuch Utaaray Bhi

Sawal Yeh Hai Ke Aapas Mein Hum Milain Kaise
Hamesha Saath To Chaltay Hain Do Kinare Bhi

Kisi Ka Apna Mohabbat Mein Kuch Nahi Hota
Ke Mushtarak Hain Yahan Sood Bhi Khasaray Bhi

Bigaar Par Hai Jo Tanqeed Sab Baja Lekin
Tumhare Hissay Ke Jo Kaam Thay Sanwaray Bhi

Baray Sukoon Se Doobay Thay Doobnay Walay
Jo Sahilon Pe Khare Thay Bohat Pukaray Bhi

Phir Jaise Rail Mein Do Ajnabi Musafir Hon
Safar Mein Saath Rahay Yun To Hum Tumhare Bhi

Yahi Sahi Teri Marzi Samajh Na Paye Hum
Khuda Gawah Ke Mubeham Thay Kuch Ishaare Bhi

Yahi To Ek Hawala Hai Mere Honay Ka
Yahi Girati Hai Mujh Ko Yahi Utaaray Bhi

Isi Zameen Mein Ek Din Mujhe Bhi Sona Hai
Isi Zameen Ki Amanat Hain Mere Pyare Bhi

Woh Ab Jo Dekh Ke Pehchante Nahi Amjad
Hai Kal Ki Baat Ye Lagtay Thay Kuch Hamare Bhi

تھے خواب ایک ہمارے بھی اور تمہارے بھی
پر اپنا کھیل دکھاتے رہے ستارے بھی

یہ زندگی ہے یہاں اس طرح ہی ہوتا ہے
سبھی نے بوجھ سے لادے ہیں کچھ اتارے بھی

سوال یہ ہے کہ آپس میں ہم ملیں کیسے
ہمیشہ ساتھ تو چلتے ہیں دو کنارے بھی

کسی کا اپنا محبت میں کچھ نہیں ہوتا
کہ مشترک ہیں یہاں سود بھی خسارے بھی

بگاڑ پر ہے جو تنقید سب بجا لیکن
تمہارے حصے کے جو کام تھے سنوارے بھی

بڑے سکون سے ڈوبے تھے ڈوبنے والے
جو ساحلوں پہ کھڑے تھے بہت پکارے بھی

پہ جیسے ریل میں دو اجنبی مسافر ہوں
سفر میں ساتھ رہے یوں تو ہم تمہارے بھی

یہی سہی تری مرضی سمجھ نہ پائے ہم
خدا گواہ کہ مبہم تھے کچھ اشارے بھی

یہی تو ایک حوالہ ہے میرے ہونے کا
یہی گراتی ہے مجھ کو یہی اتارے بھی

اسی زمین میں اک دن مجھے بھی سونا ہے
اسی زمیں کی امانت ہیں میرے پیارے بھی

وہ اب جو دیکھ کے پہچانتے نہیں امجدؔ
ہے کل کی بات یہ لگتے تھے کچھ ہمارے بھی

Ghazal – Thay Khawab Ek Hamare Bhi Aur Tumhare Bhi